總共購入五次
終於購到一個
岩心水
又要岩腰圍
細得黎
又要裝得曬我d雜物
無論色澤賣相
都合曬我何車既
腰包！
好在
我一向摼家
又要威又要帶頭盔
盲目趕潮流又不好名牌
你知啦
潮流呢家野
尤其今次呢家野
唔興個陣
就瞬間變返
買菜檔呀芹姨
找散紙形象
所以買咗五次
都不需幾夠屎
正到呢！
為何是盲目趕潮流呢又?
因為我個Look
十有九次
都被呀爸話唔好睇
因為
我又要矮又要扮肥仔
Oversize 塞滿曬衣櫃
長外套寬腳褲
我覺得幾好睇
呀爸就話我著到騎呢唔高貴
爸爸鍾意我斯斯文文
似個正常女仔
我卻還是盲目時尚
話知人地點睇
好在呀爸是民主老豆仔
加埋呀媽幫口講話
Fashion 呢家野你識條油炸鬼
於是呀爸只好多踩幾腳
然後任得我
咁就造就了一個
盲目趕潮流既人仔
呀爸呀媽就是咁
原則問題冇得傾計
其他野就隻眼開隻眼閉
只要你咪做出太過份既行為
佢地都會支持到底
管得太多吾識扭計
未必就係乖乖仔
教曉細佬懂得分辨是非真偽
識得分清楚甚麼是好甚麼是壞
才能成為可保護自己的大個仔
