超值二人花膠鍋物配清酒任飲

身邊好多朋友都知小編鍾意食花膠，尋晚幸運地有機會一次過試晒同安新推出的四款鍋物，實在係感激流涕。

早係上個月，同安喺澳覓一推出了超值二人花膠套餐，已經有幾位朋友約試，只係一直未夾到時間，就係尋日咁啱有機會可以一次過試晒，令到之前邀約嘅朋友又愛又恨。

眾所周知同安喺澳門唯一一間有年資的花膠食館，有幫襯過嘅都知同安有會員制，而且入會要過萬，門監都幾高，而佢今次新推出嘅二人套餐簡直就係益街坊，只係三百幾蚊就有一個兩人餐啦，一開始仲以為自己眼花，最平個套餐，麻辣鍋仲只需$338，鍾意食麻辣嘅朋友，真係必須立即訂位。

事不宜遲，介紹一下尋日四款鍋物，分別有

鮮椰子花膠螺頭雞肉鍋
秘製花膠麻辣鴨血鍋
花膠日本蘋果無花果鍋
花膠蟲草花羊肚菌鍋

套餐的每個鍋物有兩隻大筒膠，另配配菜、主食同甜品。份量足，兩個人一定飽！

日本新鮮時蔬 (1份)
鮮肉水餃2粒,手打花膠墨魚丸4粒 (1份)
日本溫麵 (1份)
天婦羅拼盤 (1份)
花膠糖水，2選1
北海道3.6牛乳花膠糖水(1份)
有機薑汁豆漿花膠糖水(1份)
北海道雪糕(2份)

注：麻辣套餐面食為寬面

試過今次嘅套餐真係物超所值。而且完全體現同安始創人阿V多年對花膠、燉湯嘅創新及靈活配合。

其實阿V喺2016年就已經開設阿V燉湯，不少熟客都知道阿V對燉湯有好深入研究，及後其專攻花膠盛宴，由一般客人食味道、口感到有食客要求食療功效，阿V都把每一道菜做得盡善盡美。

驅動阿V努力的背後有一個宏大的意願：把鮑、參、翅、肚普及化、年輕化。佢感言而家啲後生唔係好接受湯水文化，尤其是鮑參翅肚好多後生都唔識其食療功效；所以才不惜供本，將燉湯同花膠結合成年輕人喜愛的鍋物，希望新生代對花膠有一個嶄新的認識。

為咗呢個原因，阿V今期更同言葉堂合作，推出咗清酒任飲配套，只需加$100就可以兩人任飲五款清酒，而呢五款清酒全部都係好嘢，唔係普通本釀造或者吟釀，係四款冇過濾生原酒同一款米王山田錦純米大吟釀。五款清酒都係由言葉堂負責人親自為呢幾個套餐揀選，令到套餐更有層次。

注：清酒套餐為免影響風味，不配甜品。

知道阿V有咁大嘅宏願，作為佢嘅食客不期然都感動一下，如果大家都想對花膠有新嘗試就快啲book位啦。因為花膠要提前兩日準備，而且佢地要求食材要夠新鮮，所以唔會接受臨時walk in。

營業時間：12:30-23:00

微信：vm25362536
IG：v_soup_v

地址：果欄街豐年大廈41號A地舖(榮記豆腐麵隔離)