上星期 Pheromone 打算約朋友食飯，才被告知那天是情人節，係喎，2月14係情人節，我早就忘記了，可能因為太久沒有過這個節日。
好奇心使然，Google 一下到底是何時開始有 Valentine’s Day? 網上流傳很多不同說法，比較多人講的是西元3世紀時，羅馬皇帝頒布了一道禁止結婚的法令，逼令所有單身男性從軍。但華倫泰 (Valentine) 基督教修士秘密替人証婚，違背皇帝旨意。他因此遭到監禁，並於2月14日被處死。為了紀念他，後人將這天定為 “Valentine’s Day”，咦！咁講，其實2月14咪即係華倫泰的死忌？我地仲年年慶祝喎。
還記得小時候 Pheromone 所認知的情人節，是女仔會送朱古力給心儀的男仔，男仔就會送花給心儀的女仔，互相表示愛意或表白。但現今的情人節已經被嚴重商業化，餐廳花店都利用這個節日大做生意，無可厚非，只怪現今的社會太著重物質、價錢或體驗上的享受，情人節冇花收冇禮物收，唔去高級餐廳食返餐勁野，就會搞到自己好慘，好似被社會孤立的一群一樣。在世界各地，有些會採用與情人節同一日，或之前、之後的一日，定義為「單身節」，擺脫情人節慶祝活動的陰影，讓社會關注單身面臨的歧視問題，例如意大利的「單身節」就是2月15日。但某些地方就以自嘲或諷刺意味比較重，例如大陸的11月11日，都是嚴重商業化。
我們現在可以享有戀愛、婚姻的自由，對比華倫泰要秘密替人証婚，已經幸福得多，但又有多少人知道這個節日的原意，其實是紀念一位捍衛自由戀愛的人。各位在慶祝情人節時，除了花心神去挑選禮物餐廳，還應該認真想想另一半為自己付出了多少，付出不一定是金錢，還包括了時間及心思。亦應趁機反省，自己有沒有華倫泰的精神，為愛奉獻，不要只顧埋怨伴侶的不是。好好跟對方說一句：「多謝你這一年來的付出，辛苦你了，謝謝你！」
費洛蒙語錄：「節日的意義，提醒了我們擁有很多，感恩所有的。」
Pheromone理性面，感性底。不愛讀書，愛文字。忠言逆耳，廢話少講。突破盲腸，點出真相
情人節？我細細個就聽過呢個名。青老師小時候非常憧憬這節日，想當年係少女漫畫睇到女仔會整朱古力比心儀既對象，如果男仔收咗代表接受對方的愛意，先不論結果有沒有成為男女朋友，單靠橋段及手法已迷倒萬千既少女，所以起初在情人節興起係澳門比較「簡單」。當年女生最喜歡買一大舊原味朱古力磚，然後把它溶掉再放在心形模型，成為獨一無異的朱古力再送給男朋友或者自己的朋友，總之當天你就會送出一堆朱古力，又會收返一堆朱古力，真係諗返都覺得甜絲絲。
依加既情人節已經成為商人吸金既大日子，當你打開 FACEBOOK 跑出一堆餐廳既情人節套餐、蘋果動新聞名牌手飾賣的情人節廣告、因為情人而身價暴漲既花束、行街櫥窗既情人節特別版等都係咁提你節日快到，要為你既情人好好做準備，好似唔買會對不起另一半。好啦～當理性話比你知現在既情人節變曬質後，男人你覺得女仔仲對情人節有冇期待？青老師好肯定話比你知，無論你哋一齊咗幾多年甚至乎平淡如水，女仔都對情人節有期待 (默默在心中)！點解？？？因為這是一個愛的節日，就是想看對方的表現。當然你或許會話：「要我用錢食D貴價唔飽既套餐又或買一束幾千蚊既花，為咩？」傻啦～你估個嗰女仔都係需要嚟D咩，有時一個窩心既短訊、感激對方的一封信 (物已罕為貴，現在會寫信既人真係少之又少)、親手下廚一頓飯或一碗湯，已經會好感動。重點係，你有沒有用心在對方身上。
你以為單身唔關你事？SORRY~當日真係會好眼冤，無論係街上、辦公室、學校、特別係 FACEBOOK，你恨不得躲在家裏煲一整天韓劇與 OPPA 相見十小時，也不想出門或打開 FACEBOOK，因為當天好似又再強調「你係單身狗」！青老師寫到這裏覺得太道出一班中女既心聲 (哭)。近幾年，有商家更推出單身人士既套餐，好似青老師曾經食過「我過得很好牛扒」和「瀟灑啤酒」，僅限單身人士參與，令情人節又有另一番新搞作。
人大咗過節日唔會再好有 FEEL，節日有時提醒大家一年裏時間又走到那裏，懷着感恩珍惜之心，多謝依然陪伴在自己身邊的親朋好友，就係節日裏的意義。
青老師語錄：「無論單身或有情人，透過節日把愛意說出口，並不是丟臉的一件事喔！」
青老師鍾意男人，更鍾意留意男人，鍾意望下男女之間既互動；會睇AV唔會扮低B，少少咸扑扑脆，咪以為女人寫兩性代表隨便任性，期待文章與你有共鳴。
