一段關係入面AA制，有人支持有人反對。青老師覺得與地區文化有關係，外國比較適用AA制因他們的文化習慣、倡導平等與自由的價值理念，係男女相處上比較偏向AA制（用比較偏向的原因是青老師也遇過會主動埋單的外國男）；但亞洲地區未必適用，因為係亞洲地區男性大多係埋單時已有一個主動比錢嘅習慣，而嚟個習慣來自於 “教養” 及 “環境”。所以習慣了男性要主動俾錢的觀念下，當男性唔主動俾錢或者要求AA制時，代表緊佢唔愛你？？？
青爸爸係青老師小時候常教導如何揀男人，有句經典的說話可以分享給讀者們，“男人一定要大方，唔可以姑寒”，小時候青老師並不懂，長大才問青爸爸點解？青爸爸解釋以前澳門經濟不好時有一位親戚（大家是同行）不斷有生意做，青爸爸留意他，發覺出來聚會他每次都主動俾錢請大家吃飯，青爸爸領悟到大方地付出金錢之後會賺取更多的金錢；第二個原因係關於 “相睇”（舊時婚姻經媒人介紹），青爸爸有位女性朋友經媒人婆介紹與一位男生約會後沒後續發展，她解釋與該男生吃飯，她吃一元，該男生吃十元，當下就明白將來若嫁他必無好日子過。越長大經過數次的戀愛經驗，青老師慢慢領悟到青爸爸教導裏的意義。
無錯，係男女關係入面，金錢係相處上一項嘅尷尬又實際的指標，暗地裏代表緊 “對方有幾愛你？”，例如：“哇～佢月入一萬都肯買個五千蚊嘅銀包俾你，佢一定好愛你”；“你同佢一齊佢唔使你用錢，佢都幾錫你喎”；“哇～佢買隻勞力士比你，好Sweet 吖”。。。以上咁現實嘅例子相信大家都聽過，可能你不認同，覺得用金錢衡量是非常現實，這不是愛情。但往往在關係中不知不覺卻成了一項重要指標，唔信嘅話你睇下Facebook幾多用金錢曬 “愛” 的證據（青老師內心酸溜溜的～哈哈）。
青老師講咁多現實例子唔係講要男人用錢來證明幾愛你，而係講係一段關係裏金錢的重要性，因為，事實上可能你嘅收入比另一半高，青老師曾試過交往對象中對方收入很低，相處上必然要用到金錢，但既然彼此喜歡大家必然不會計較誰會主動俾錢，當對方有錢時也會主動俾錢，這是能力所及的事情；青老師也曾遇過外在條件優勝嘅 “極品” 在青老師生日飯上要求青老師埋單，他曾經講過要男人埋單 “憑咩？”，既然可以說出這樣的話，女人們別因這樣而與對方辯論，因為金錢的使用態度會代表一個人的品格，知道就好，無需討價還價。剛好最近網上流傳兩性專家Hussey在講座裡被女觀眾問及交往多久需要付費的問題，Hussey講出 “我請你吃飯，你讓我上床” 的 “理論？道理？邏輯？”，稍稍有思考的人都會發現這講法是如何地不合理，“我請你吃飯，你讓我上床”？即逆向思考的意思係 “我們AA制，我們以後不上床？”，所以會講出這樣的說話證明咗Hussey重視金錢多於一切。
青老師分享最近係Facebook發放的圖作總結，內容係：“經常請你食嘢既人，唔係因為佢錢多，而係佢將你睇得比錢重要。” 共勉之。
