青老師曾經在網上PO文寫：「女人係要氹嫁。」有一男人回應：「咁男人呢？」
回應得非常好！冇錯，其實男人更加要氹，而且比女人更易氹。點解？自古以嚟中國人有句說話：「男子漢流血不流淚。」被氹根本不是男人的專利，如果你要比人氹你可能就是媽寶、娘娘腔等等。但係Sorry，依加已經唔係一個行軍打仗的年代，如果你識氹男人包你個男人唔想離開你！想氹另一半歡喜，唔使送曲奇既，學下幾招，以便不時之需啊！！！
聽佢呻
下？聽佢呻就係氹佢？無錯！好多女人成日埋怨佢另一半唔講野，其實係個女人講太多而聽唔到佢另一半講既一兩句說話啫，基本上男人對住兄弟先會多話，對住自己女人可以的話都唔想講太多，皆因一個現象，因為講咗出嚟都會比自己個女人鬧。女人啊～女人，試下收起喋喋不休的話語，聽下你個男人講既一兩句說話，佢會越來越放心向你傾訴，表示同你傾係開心同埋安全的，想氹佢就聽下佢呻啦。
小驚喜
唔好以為女人先鍾意「十派」，其實男人心入面都好想自己鍾意既人主動比「十派」，試下留意佢鍾意食既野，青老師見過生活平淡似水的夫妻，有一日個老婆靜靜雞整咗老公鍾意食既啫喱，氹得老公非常開心；又或言談間對方想睇既一套戲，事前買好戲飛有誠意約對方，讓對方因為你一Ｄ小驚喜而冧爆。
搞掂佢個胃
基本上男人都係鍾意食，分別在於有幾鍾意食啫。搞掂男人個胃整返兩味，唔好以為一定要整得好出色，青老師聽過有女朋友整咗個「勁生骨意大利飯」，男朋友照樣食曬，可見個男人幾珍惜個女人幫佢下廚。再加上依加網上應有盡有的菜式要學習一D都唔難，在乎你會唔會用心氹你個男人，搞掂佢個胃。
搞掂佢個腎
男人基本上搞掂佢生理需求（要瞓既時候比佢瞓；要食既時候比佢食），再嚟就係生理需要 ── 性。男人比女人易氹最主要係用性就可以令佢感到滿足，有時整嬲咗自己個男人主動一點又或帶些小玩意激發對方腎上腺素上升，相信佢都好少機會把持得住，不過要注意嚟個方法唔可以成日用，因為會變成用性綁住男人個心。
青老師語錄：「得閒氹下自己個男人，佢開心時你自己都會開心。」
青老師鍾意男人，更鍾意留意男人，鍾意望下男女之間既互動；會睇AV唔會扮低B，少少咸扑扑脆，咪以為女人寫兩性代表隨便任性，期待文章與你有共鳴。
「男女平等」這四個字，雖然已經出現了接近二十年，但實際上好多時候，大家都會對某些議題先入為主。例如「氹女仔」，Pheromone 發覺係冇人會講「氹男仔」，點解呢？男仔就唔可以嬲？男仔就唔需要氹？還是大部分女仔都唔知點樣氹男仔？其實除了送禮物之外，都有好多方面可以表達你想氹下佢開心既。 了解佢的世界
好多人都話，如果雙方有共同興趣可以增加話題，或者增進感情，呢樣絕對係真的。但如果咁幸運你男朋友的興趣，你真係完全冇興趣，咁又點算呢？Pheromone 會建議你嘗試走進他的世界，例如佢鍾意戶外活動，行山呀跑步呀之類，你可能好怕曬黑或者你跑得好慢的，你可以偶爾約佢去夜跑30分鐘，佢都會因為你的積極而感到你相當重視佢。
如果佢鍾意模型玩具的，你可以盡量去了解佢點解會咁著迷，可能係因為某部卡通片或者兒時回憶，當你了解他喜歡的意義何在之後，已經代表你慢慢進入他的世界，亦可能因為咁，你會越發現更多他的優點，在與他的言談之間，被他發現你為他去認識新事物，係男人都會感動的。最重要係，當你想送禮物時，都知道買咩佢會鍾意呀嘛。 煮返幾味美食係最好解藥，將心比己，你唔開心的時候，都想食D好味既野，改變心情。男人對食方面，可以說是比女人更求其，有時去茶記食個乾炒牛河，整件夾油多凍奶茶已經好滿足，唔需要好似各位美女咁，要high tea 或者星巴克先爽。所以，各位想氹男友，不妨從下廚方面入手，當他見到你為了他的快樂，願意買菜、準備、洗切，搞到成面油煙，點會唔冧呀。 偶爾弱勢現在好多女仔都好獨立，有自己的生活圈子，不必事事依賴男朋友，但係適當時候真係要比位佢入。例如你病了，佢話過來照顧你，就算你 OS 係「唔需要啦」，都可以話「好呀，買個粥俾我食呀」。製造一些機會俾佢展現下雄心，讚佢幾句，俾少少存在感佢，佢會相當受落。 有話直說，以事論事兩個人相處，爭執少不免，如果你真係咁唔好彩激嬲男朋友，而又面子問題唔想認錯，其實可以坦誠相對，將你的觀點直說，但千萬不要發脾氣。以事論事，講道理是男士們最能接受的談判方式，當然，我明白講道理對女士們都有一定難道，but, just give it a try, please. Pheromone 語錄：「男人都是小朋友，好容易氹的。」
Pheromone理性面，感性底。不愛讀書，愛文字。忠言逆耳，廢話少講。突破盲腸，點出真相。
