香港小姐出爐之後，全城都話佢豬扒，香港網民仲勁到搵埋澳門小姐 (其實佢好似未選)，話靚過佢多多聲，其實問心，Phernmone 覺得香港小姐又唔係大家講到咁樣衰，最多話唔係好靚。其實男人去到某個年紀，對於女性的外貌已經唔會太高要求，相反，對於有某些特質的女性更覺有魅力。
唔好懶
正所謂「沒有醜女人，只有懶女人」，真係硬道理。年紀細時就青春無敵天生麗質，有返咁上下時，真係要 Keep 架。眼見好多女性，拍拖之後，越整越 Wher，真係心痛~記住！！保持自己的質素是相當重要的，除了貪靚，同時體現你自己是不是一個有自我要求的人，一個對自己嚴格的人係唔會容許自暴自棄的。當然，過份自戀亦唔係一年好事，當然呢個準則就要視乎不同男人心目中把尺。
Ability
Phernmone 好喜歡有 Ability 的女人，好多人都問我，何謂 Ability？中文就兩個字「能力」，如果你係揀女朋友，未必會要求，但當你揀老婆，就好重要。大部分男人都會交頭家俾老婆打理，大至照顧小孩，小至交水電費，能不能有效地處理好所有事務，就係體現一個女人 Ability 有幾高。如果你遇到任何事，都擺出一副無能，只懂叫救命的態度，男人一定唔會覺得有魅力。
用智慧
點解我寫「用」智慧，唔係「有」智慧？因為就算你有，都要識得運用，唔係叫你扮蠢，Phernmone 都唔喜歡扮野嘅女人，而係適當時候做適當的事。例如男朋友送了一份你唔啱心水的禮物，就唔好扮鍾意(我都唔想你委屈自己)，你可以先讚佢有心思，花時間去準備，多謝佢，然後同佢講「其實我覺得呢樣野唔係好實用，買XX仲好啦，又平D」或者「下次買XX啦，我地可以一齊用丫嘛」，佢會覺得你唔係唔鍾意，而係肉尺佢，想幫佢慳錢，成件事唔同晒。
記得早前睇香港01，見到一篇報導，是一個女健身教練的訪問（凍齡因為活得隨心 教練：有人估我廿尾)，就是因為她對自己有嚴格要求，40歲仍然吸引到20歲的男士追求，姊妹們，加油!!
Phernmone 語錄：「對自己有要求，才有資格要求別人。」
Pheromone理性面，感性底。不愛讀書，愛文字。忠言逆耳，廢話少講。突破盲腸，點出真相。
有一個形容詞非常之中立，它可以應用在帥與醜的男人裏卻不失霸氣，稱作「魅力」。怎樣的男人才算有魅力呢？氣質與魅力有甚麼不一樣呢，前者是由內散發到外的修養內涵，後者卻是任何人都能夠擁有的，但當事人未必發現自己的內在「魅力」，大多由旁人去留意到。
專注於自己喜歡的事情
青老師很喜歡留意男人認真的模樣，那種深深專注在某種事情上確實非常讓人目不轉睛，就好比黃子華，相信有看過黃子華棟篤笑的朋友都知道，黃子華係舞台上只用把口已迷倒萬千眾，句句到位卻不失霸氣，把凍篤笑完全融入生活議題上確實令人拍爛手掌。各位女士們平時看見男人認真專注工作的模樣（不論計數、拆貨、演講、整車、煮飯、打球、做愛等等），那份由內而外發出的魅力確實令人迷，望多幾眼，分分鐘越望越有feel。所以男士們做事情記得要認真別 hea 做。
男人的體力是魅力
青老師很喜歡看見男人換燈泡或者換水樽等行為，後來經友人分享說女人喜歡看男人玩燈泡是因為覺得很溫暖，這個男人帶給她安全感、家的感覺，細想也覺得甚有道理。所以男人們，你們知道嗎，每當你們換燈泡、換水樽、搬石油氣、搬米、做gym、組裝傢俬等動作，付出汗水的同時你知道你們有多有魅力嗎？因為在體能上女人真的不及男人，若果你們多從體力勞動方向入手往往最容易吸引女人，青老師突然想起黃德斌赤裸上身當車夫拉車的模樣，足以令女人在心裏尖叫聲不斷。所以男人們千萬別吝嗇你們的體力勞動
有膊頭有承擔
當女人越年長對於男性魅力定義好多時係以對方處事的態度，有責任有膊頭能承擔事情男人確實係令好多女人著迷，對朋友有義氣大量不說三道四斤斤計較，令青老師想起韓國一部電影叫《屍殺列車》，戲中有位大叔將見義勇為對抗喪屍那一幕幕驚心動魄的電影情節，令女人覺得這種男人真心揀得過
青老師語錄：我相信魅力同地位確實係有一定程度的關係，但係有句說話叫做：「始於顏值、陷於才華、忠於人品。」
青老師鍾意男人，更鍾意留意男人，鍾意望下男女之間既互動；會睇AV唔會扮低B，少少咸扑扑脆，咪以為女人寫兩性代表隨便任性，期待文章與你有共鳴。
