Sea and Shell Buffet ——帝皇海鮮的享受

20170712-AM4A7947

夏天又悶又熱,想一班朋友聚下有咩好去處?打邊爐又好膩,小炒又熱氣,不如試下Sky21新推出的「Sea and Shell Buffet」?海鮮自助餐係澳門雖然有不少,但唔洗怕中伏,我地已經為你探過路啦!

不用多提,如果去過Sky 21一行入先吸引大家的目光未必是海鮮,而是景觀,特別是黃昏時刻。一眼可以望曬成個南灣,觀光塔同主教山全部收進眼底,真係有情調到爆啊!不過今日話明係食野架嘛,當然把重點轉番去主角的海鮮啦。

 

冰鎮海鮮當然唔少得貝殼類啦,有生蠔、青口、白蜆、翡翠螺、蟶子等。小編極力推薦生蠔,入口鮮甜爽口,我地一隻接一隻,口都無停過啊!

海鮮自助餐除了有任食海鮮,客人亦可以選取餐單上嘅菜式,有啲菜式更會有廚師即場烹飪。

我地首先叫咗SKY21香辣醬整嘅海鮮撈。裡面有龍蝦、青口、蟶子等海鮮同蔬菜。爽脆嘅蔬菜意外地同海鮮好夾,口感仲好豐富。嗰到亦提供特調醬,蒜蓉牛油同檸檬胡椒醬比大家。

嗰日有廚師為我地即場炮製咗火焰啤酒茄汁煮青口,青口加入茄汁同啤酒煮熟,各種食材的香味同時飄出來,最後點上火焰,視覺與味覺的同步享受,真係睇到人濕曬啊….個嘴角。(●´ϖ`●)

 

接住我們還點了海鮮薄餅蜜汁冰鎮涼瓜。我地問過經理姐姐,原來餅底係廚師親手搓出黎,唔怪得咁薄脆可口啦。滿滿嘅青口、魷魚、白蜆等海鮮撈埋酸酸甜甜既醬汁,值得 encore!至於涼瓜,唔止「盤中透著那味兒」,賣相亦十分高端。切成薄片嘅涼瓜冰鎮後加上蜜糖,突顯左涼瓜嘅甘味,入口爽脆冰涼。

 

食咗一輪,個胃熱完身啦,到主角——帝王蟹出場啦!

只要夠8個人去食就會送一隻帝王蟹架啦,記得係book位嘅時候預定啊!

如果唔夠8個人都可以事先預訂,一隻澳門幣$560起。

20170712-AM4A7889

 

SKY21提供一蟹兩食,蟹身廚師會為你整濃郁惹味嘅黃咖哩炒蟹。至於蟹腳,會整成冰鎮冷盤,大家可以品嘗到原汁原味嘅帝王蟹。

女士們唔洗怕要剝蟹殼搞到好狼狽,因為佢地好貼心會事先處理好蟹殼,好味之餘,又可以食得優雅。

除了以上介紹外,其實還有多款海鮮熱盤與食品供顧客品嚐,特別推介是另外加錢選購的即劏魚生刺身,幾十蚊原條刺身,這個價錢在街市都未必買到。

 

 

WhatsApp Image 2017-08-02 at 15.14.19

供應時間:逢週三 18:30 – 22:00
地點:澳門商業大馬路251 A-301號友邦廣場21樓
訂座及查詢:(853)2822 2122

採訪:皮朋、重口味、少爺
撰文:重口味、少爺
攝影:Tim @ Tim’s photography
影片:皮朋
旁白:Bee Wu

分享
上一篇文章日本餐桌禮儀
下一篇文章天堂之吻?地獄之吻!── 曉角 Longrun 劇場系列《法吻》
為澳門本土一本免費網上雜誌,志在集結一班澳門創作人士從他們眼中介紹澳門鮮為人知的一面及發表屬於澳門人創作的文章或感想,給澳門朋友多一個網上瀏覽好去處,並讓香港、中國大陸以至所有華文地區人士了解澳門,發掘澳門另一種風味!