No Pain, No Gain !

上集都講過要同大家分享我修身道路,如何將運動變成生活一部份 !

好多人要減肥,不過成日想快又唔想運動唔想付出,好多藉口:「冇時間呀、咁辛苦、冇人陪、節食埋得囉、食減肥藥啦…..等等 。」但我反對節食同食減肥藥,因為太多副作用!

我好多年前都有跳Modern Jazz, 動作好靚又女性化,所以堅持左成6 年。後來開始濕疹發作,都冇心情再學,成個人懶散哂!慢慢又開始水腫,個身好似腫哂咁,塊面同麵包超人一樣呀!(O^.^O)……唔係肥,係水腫!睇相就明啦!!

去片>>>>>>>

開頭做運動都係為左想濕疹快d好,但之後覺得為咗修身我都一定要繼續運動落去!

諗諗下,唔得喎,影相真係超腫,不能接受!!! ><”

左是完全沒有做運動的時候(臉部有濕疹問題),右是運動後的轉變。

所以2013年5月開始做鄭多燕嘅運動,一星期起碼3次。之後有一次7月尾,見左個好耐冇見嘅朋友,第一句同我講: 「你瘦左d喎!」個一刻我諗:「嘩,鄭多燕d運動真係掂!! 我自己瘦左都唔覺!」就個日起,決心晚晚要做運動!10-30分鐘姐,好快過!! 哈哈!

其實如果講磅數,唔算瘦得多,6-7磅左右,日日有運動,肌肉多左,但大家唔需要怕,鄭多燕d肌肉運動唔會令你大隻,只會修身,大家要記住重要唔係係達到咩磅數,宜係你係鏡子裹的真正自己。

雖然我唔算瘦得多,但其他見人見到我覺得我瘦左好多,呢點最重要,望落去瘦左就ok啦~我有114磅,以現今標準可能都算肥,但我知道自己真正嘅需要係美麗健康!所以磅數跌唔跌無問題,只係想keep住自己精神健康就滿足啦!

其實我相信呢一句說話 : 「No Pain, No Gain !」只要付出,一定有成果!!

想瘦又唔想有要byebye肉,不如試吓呢個,一星期做2-3次:

 [embed_youtube id=’fAJXQ6suwzY’ width=’420′ height=’345′]

啞鈴: daiso有售-0.5kg

澳門有好多女仔都比較懶做運動,一般球類運動或舞蹈表演連睇都冇興趣。根本生活上 “運動” 兩個字基本好少出現。

其實大家要靠自己係生活上搵多d動力,例如:一句說話、一本書、一位朋友、其他人的經歷等等。希望我都可以成為大家嘅動力!!=)

不要再比藉口自己啦,係時候動起來啦!!!

大家加油呀!!!!FIGHTING!你地一定可以做到!!!^O^/

下一集同大家講點解唔好節食同食藥減肥!

分享
上一篇文章UNDERCOVER 2014 SPRING/SUMMER
下一篇文章寫生 ── 路環平民村
性格開朗、愛笑及幻想、發白日夢、看天空。特別喜愛日本文化及手工DIY。 喜歡舞蹈及lomography。超愛吃壽司、泡菜及朱古力。討厭沒有禮貌的人。