對蛇仔黎講，星期日本應系要去教會做禮拜同上主打招呼的好日子。

嗨~ 點知，一睇鐘已經九點幾~

算喇，同天主say 個 sorry……下星期日較好鬧鐘先好落床！： (

既然系咁，美好的一天，瞓晏咗，搞搞吓十點幾，唉吔~ 蛇肚 “古古聲” …… 係喎，未有野落過肚喎！

怪吾得肚仔向外界宣示不滿喇~ 睇吓先，依家十點幾，出得去黎十一點，早午餐齊brunch 一brunch 最好不過也！！！ : )

填肚有好多種方法，有中、有法、有意……… 還有偉大的澳門式茶餐廳。

嘻嘻嘻  : ) 咩話？! 蛇仔今次介紹茶餐廳？？非也~ 非也~

蛇仔今次推介既係一家唔算細，唔算大，入到去要講 “英格錨稍” 嘅舒服西餐小店 ─ “默  咖啡”。

如果你唔多懂翻鬼佬話，無…… 問題，佢哋 嘅餐牌係中英對照兼圖文並茂！

老實話你知丫~  我本來諗註嘆杯咖啡再上路覓食。

點知，一入去…… 蛇仔雙眼發光!!!! 天呀，好靚的洋蔥圈呀！！！

好，我無入錯地方，決定搵位坐定定！

馬上黎一碟片蛇仔心愛洋蔥圈先！！！

吾~~~，炸得香脆可口，外脆內甜!

再嚟牛肉三文治，羊肉。份牛肉三文都幾好，羊肉汁就好好味，不過 D 肉有點 “騷”~

總括嚟講，好味滿足的一餐，好飽！

差D漏左，食完有四葉草電話繩送架！雖然唔算好靚，但係老闆既小小心意！佢話係佢鄉下愛爾蘭既幸運草喎~