BB生活

BB趁着新年幾日假期,一大班朋友出來一聚,見見面,拜拜年。難得見面,當然就談天說地,可能我地已經進化為 “中坑”,當中無咩人係低頭族,部手機一般都係用黎影下相,多盡upload上FB來個當年今日。說時遲那時快,電話咇咇兩聲,友人一望電話,樣子一沉,繼而長嘆一聲。大家異口同聲: “老婆?”,得到的回答是: “老細。”

 

環顧身邊朋友,我一直認為老婆同老細係非常相似的,就係你得罪佢地都一定無好日子過,但分別在於得罪老細可能死得仲快D。有賴於智能電話的高科技發展,工作同生活基本上已經分唔開,以往攞住個duty phone都仲有機會扮聽唔到,家下拎住個 “BB”,你夠唔夠胆同老細講收唔到EMAIL? 其實呢個日趨普遍嘅情況都幾無奈,睇住友人前一刻仲係抱住佢出世無幾耐既小公主同我地談笑風生,下一刻就摩打手咁覆EMAIL。真係鬼叫你老細當你蜘蛛俠咩,能力越大就當然責任越大,為咗搵食,唯有左手一個B,右手一個 “BB”啦!

 

分享
上一篇文章Bass Music China 四週年
下一篇文章情迷法國香頌(上)
記憶多好,步伐再快,也趕不上這小城與及人情的變化。我想,以照片去留住回憶,用文字去分享人情。如專題一樣,希望人人都戀上寫作,將屬於您和我的小城故事及人情文化,得以保留,分享及延續......