早前版主到訪過嘅西班牙烤雞 (黑沙環分店),
原來佢隔離嘅樓上舖,
都係佢地開設嘅西班牙餐廳,
而主打嘅係西班牙小食Tapas同埋酒類~~
從來無諗過會有一家咁不錯嘅異國餐廳係黑沙環區出現!
意大利, 西班牙, 葡國菜等..
一向係澳門嘅價位唔算係低水平~~
但呢家餐廳,
絕對會顛覆固有想法~~
老闆刻意選址係租金比較平嘅黑沙環區,
所以就算食材由歐洲當地入口,
價錢都可以大眾化!
拾級而上,已經可以感受到氣氛~
餐廳裝潢簡單得黎又有異國特色,
水吧位置就放咗2隻西班牙火腿~~
店長話…
呢度慶祝生日,
同自己帶酒係唔會收service charge同開瓶費,
所以幾乎晚晚都full booking架!!
Hot regular coffee
今次呢杯咖啡比上次的水準好好多~
奶是熱的,
咖啡味很濃~
D小姐讚不絕口~~
廚師Special Salad (MOP$118)
呢個沙律係menu無的,
原因係作為亮點嘅蕃茄係由法國入口~
所以食唔食到, 真係要睇緣份~~
來自法國嘅有機蕃茄,
唔似中國的….不會有腥味….
配上菠菜同松子,
面頭嘅係主廚自家醃0既三文魚,
因為配方入面有蘋果同橙,仲有d gin酒,
所以唔會腥之餘, 口感清爽, 肉質仲帶點彈性~
配上又fresh又清甜嘅蕃茄,
好好味!
西班牙曼徹格芝士,小銀魚,焦糖洋蔥伴多士 (MOP$128)
樽仔入面嘅係羊奶芝士,
黎到呢個moment…
D小姐就酒興大發~~(佢係酒鬼…XD)
店長兼侍酒師就推介咗呢支白酒~
經典西班牙炸丸子奶油配火腿和雞肉 (MOP48)
呢個小吃記得樓下間西班牙烤雞也有,
問咗店長有咩唔同,
佢話呢個入面加咗D 西班牙火腿~~!!!
WOW!!!
唔怪得除左濃濃芝士味外,
仲食到有D火腿嘅咸香~
正!!!
煎蛋配薯仔和西班牙腸 (MOP$48)
店長話,
好多客人嚟呢度,
指定要食呢個菜!
午餐可以食, 晚餐可以食..
面頭嘅薯絲炸得超脆~~唔怕油~~
中間係一隻半熟荷包蛋~~
底下嘅係西班牙腸~~
食法係先整穿隻蛋,
真係唔講得笑!!!!!!!!!!!!!!!!!!!!!!!!
所以我地食完之後話..早餐都可以食!!XD
西班牙海鮮飯 (MOP$358)
Barcelona 嘅海鮮飯比樓下嘅西班牙烤雞飯,
材料豐富好多,
所以價錢都會稍為貴dd~~
不過以份量同埋材料來講,
我地覺得非常合理!!
甜品:
食後感:
餐廳環境唔錯~~
啱哂夜晚同朋友傾下計…飲下酒, 吹下水~~
一大班人搞生日都唔錯~~~(因為免收蛋糕charge同埋開瓶費)
營業時間到夜晚2點~~
食物質素可以妣美五星酒店,
但價錢親民~~
唔怪得成為好多熟客嘅飯堂~~
我同D小姐已經約好左叫埋其他朋友再去過~^^
餐廳資料:
名稱:BarCelona Tapas & Rice Spanish Gastro Bar
地址:澳門慕拉士街16號,富大工業大廈地下B座(消防局前面條巷)
電話: 2872 1084
時間:12:00~02:00