Back to farming ─ 由細細個開始

前幾日睇新聞見到有個好令人鼓舞嘅報導,所以想同大家分享下!

 

 

喺意大利南部一個小鎮,有位好有環保概念嘅校長決心要把環保、有機種植帶到學校,實行自 “耕” 自足。校長 Maria De Biase 喺學校後園開設有機小農田,等先生同同學仔可以一齊種唔同蔬菜水果。而學校嘅早餐同午餐都喺用番自己種嘅材料,而其他必需食材就喺當地嘅農民購買。剩低嘅食物同有機垃圾會放喺收集箱,等發酵後用嚟做農場嘅有機肥料。唔單止咁,同學仔仲可以番屋企收集一D煮過嘅橄欖油帶番學校,由校方處理自製橄欖油番梘,確保小朋友嘅手遠離有化學成嘅洗手梘!

 

 

另外,先生同廚師每日都會用一D比較傳統同懷舊嘅意大利食譜,等學生可以回味以前當地人未有快餐或者便當個時真真正正享受自給自足嘅天然食物。咁樣做唔單止減少塑料廢物,慳番D經費唔駛買D集團式同貴夾冇益嘅學生午餐比小朋友食,最重要喺可以由細細個就陪養出綠化同珍惜食物嘅習慣!

 

不過校長咁做其實喺唔合法,因為歐洲規定所有學校一定要提供有認證嘅機構發出嘅套餐比學生食用。但因為校方同家長覺得呢個自給自足嘅概念好有意義,為下一代着想,一定要堅持落去!

 

下面嘅 video 係意大利文,聽唔明都可以睇下校長,先生同學生嘅成果

 

資料來源:  http://vitosan97.wordpress.com