8號傳說

從前有一個故事,主角叫8號,佢差不多每年都會嚟澳門一兩次,但呢兩年已經嚟得好少,反而過香港比較多,雖然好多人都話李生同佢關係唔係好好,但一般都會留佢過夜,俾佢黃昏黎,第二朝一早走。但呢兩年聽聞佢同澳門6大老細搞得D關係相當麻麻,就算D眼淚出晒,喊到轟轟聲都係唔招待佢。久而久之,佢細佬1號同3號就變得過得嚟密咗,亞1號多數都係嚟坐幾粒鐘就走,路一路過,無咩人理佢,亞3號就黑人憎D,每次嚟唔緊要,最慘既係佢死都霸住個位,唔肯讓俾佢大佬過黎,最大鑊係佢仲聲大大過佢大佬,喊起上黎D眼淚仲多個8號,見佢咁個款,我真係堅想留係屋企陪下佢,但可惜你叫3號而唔係8號。一直我都埋怨3號太自私,唔讓個位俾8號,直到今日下午先知,其實好有可能係有人攞3號 “過橋”,禁錮住佢之餘,同一時間又唔俾8號入黎,仲攞埋一堆數據 (當然只係響話無壞到嗰個系統度攞啦),總之就話8號唔夠 “勁”,拒絶入境,我諗以後阿8號都幾難再入嚟,可能佢漸漸只會成為一個傳說,而澳門就繼續成為一個福地。

 

睇完呢個無聊原創故事之後,你應該會鬧爆: “安人,你無野下,寫篇咁嘅文當交貨?” 但我又覺得無所謂喎,當開個玩笑囉,反正最大既笑話,琴日先有人同你開完,咁都唔爭在我呢個小笑話啦 !

TP (2)

分享
上一篇文章日語小教室 ── 關東煮篇
下一篇文章澳門巴黎人9月13日開幕 購物中心帶來更多全球時尚品牌
記憶多好,步伐再快,也趕不上這小城與及人情的變化。我想,以照片去留住回憶,用文字去分享人情。如專題一樣,希望人人都戀上寫作,將屬於您和我的小城故事及人情文化,得以保留,分享及延續......