2014 聖誕首爾回鄉篇 の 新마포 갈매기 (弘大烤肉)

好多人都會好羨慕點解我一年可以出3、4次國,

本人並非大戶人家千金,

只係玩得適時~~

其實我好少會揀D旅遊旺季出遊,

因為旺季嘅支出,

會比平時高出起碼1/3,

(改天分享點樣可以一年出4次國,其中一次仲要係歐洲十九天~仲未破產的心得..XDD)

加上呢D假期都係留返比D有需要嘅同事好d~XD

今次會選聖誕出遊,

完全因為係因早買 (EARLY BIRD) 優惠,

加上住嘅地方我只要求乾淨同埋就腳就OK~

所以今次破天荒可以返鄉下過聖誕!!!

 

講返正題..

本來2個人到首爾出行,

食就係一個極大難題。

因為佢地嘅食物份量極大~~~~(真羨慕韓國女生食咁多都唔肥!!!)

加上今次同個小鳥胃H小姐同行 (對於出遊期間,胃部可以伸縮撐大至3倍嘅我黎講,的確有D擔心)

任務難度直迫9.9分!!!

但今次超好彩..

撞啱好友A小姐同佢老友C小姐 (早我地幾日出發) 有3日可以一齊食晚飯,

頓時覺得呢個旅程充滿住希望~~WKAKKAAKKAKA!!!

所以會將需要多人先食得開心嘅餐廳,放係呢幾日入面~~

當然..

一定要有我最愛0既烤肉!

第一日落機就即刻約埋A同C小姐兩個係0個度會合!!!!

 

 可能係Weekday關係,

客人未見多…

但都有7成~~~

基於冬天根本唔會開窗關係,

所以我地坐邊都無所謂~

 

 

 

 

如果你秋夏到訪,

強烈建議你坐近門口嘅靠窗位置,

保證你嘅衣物、頭髮

未來幾日都唔會有陣陣飄來嘅烤肉味XD

 

 

點菜方面,

唔洗擔心~~

入面會有中文MENU的~~~

 

點菜之後,

來了一大堆XD

 

蜜梨汁生肉片 (₩13,000)

好多人都覺得我勁大膽..

成日將D生野放入口…………..

其實係韓國,賣得生肉嘅舖頭,

係對自己肉嘅品質非常有信心先敢賣,

所以我都幾信任~~

(呢D真係要depend on個人腸胃,本人打邊爐唔熟嘅野食完都唔會有事,所以…….一定要衡量個人狀況先好試..XD)

而且呢個生牛肉,真係一試就會愛上!!!

生牛肉先係中間挖個洞,再放生雞蛋係上面,

拌勻左之後就可以吃~因為加左生雞蛋嘅關係,

肉質係非常0既滑~加埋梨汁..同埋切左條嘅韓國梨一齊食..

好鮮味!!一D血腥味都唔會有~~~

夠膽試0既朋友,

真係要一試!

 

 

 

唔洗一陣,

食物就上齊~~~

四個人嘅烤肉晚餐,

真係見到都開心!:)

 

奶酪護心肉 (₩8,000) 呢個係夾一PAN芝士食的…~~~

 

必點item~~~~豬皮 (₩6,000)

 

調味牛肉排 (₩12,000)

 

高級排肉 (₩15,000)

 

侍應會叫我地將D 泡菜、芝士等配料放係側邊個圈圈~~

之後就會幫我地倒蛋漿~~

第一圈係免費,

續一次就加₩2,000~

(上次 “回鄉” 時的圖片) 

 

 

我記得以前係無芝士的~~

對於芝士控來講…

梗係開心啦!

 

蛋幾時先食得,

就要睇個人喜好~~~

有D鐘意滑,有D鐘意個底有d焦焦地..

不過兩種口味都好讚!

 

 

每次必點嘅2號…五花肉~

五花肉用嘅烤盤係得中間幾個長條形嘅通氣口~~

當你烤第二種肉嘅時候,

記得要叫侍應換烤盤呢~~

韓國人食烤肉,

不論平價同貴野,

一樣有呢份堅持~讚~

 

 

 

 

 

韓國嘅五花肉燒完之後,

外脆兼無肥油,

平時唔食肥豬肉嘅..

都會肯為佢而放棄堅持~XD

正!(我地4個人之後仲追加左一碟~~XD)

 

 

 

 

 

烤完五花肉之後,

我地就換左網網燒護心肉~~

 

今次點左新野..

芝士護心肉,

會多左呢pan芝士…

因為言語不通..

結果我地自創咗一個搞笑食法..XDDDD

 

燒到咁上下將肉剪成想要大小~~

搞笑位黎啦…

原來人地正宗食法係你自己0個舊肉落去..碌勻D芝士就食得,

但我地唔識..

於是將所有已經熟嘅護心肉扔哂落去..

結果隔離枱對情侶望左我地呢PAN野好多次..XDDDDD~~~

 

 

 

護心肉本身已經有味道~~

齋燒完已經好食~

但加左芝士嘅護心肉..

即時再加分~

正~

 

 

 

高級排肉

 

 

本身唔太鐘意食太熟嘅牛..

所以我燒到6成左右就食..

6成牛排嘅口感係一咬開就好JUICY~~~

勁有牛肉味..(牛有牛味嗎??XDDD)

推介!!!(至於呢個調味牛排肉..我忘了影相.味道都不錯, 但兩者比較, 我都係偏向呢一款多D~)

 

因為太肚餓..

又掛住食…

所以好多相都out咗focus..XDDDD

如果嫌齋食肉好寡..

可以用菜包埋其他拌菜,拌烤肉一齊食~~

呢度嘅醃白籮蔔條連埋D菜同埋肉一齊食..

超超超正的!

 

辣白菜湯  (₩5,000)

阿A小姐本來係澳門係茹素MODE~

黎到韓國..

又自動tone成為選擇性食肉mode~XDD

呢個湯係因為佢話想食菜…見到MENU唯一有呢一個字

於是就點左XD..

佢地話呢個湯味道唔錯,

入面有D肉,都好入味咁話~

 

 

冷麵  (₩5,000)

韓國人點解成日食咁多烤肉都唔怕熱氣..

唔多唔少都係靠佢地0既 “凍水”

同埋呢個冷麵~~

冷麵係我每次烤肉必點~~

呢度嘅冷麵調味啱啱好..

唔會因為浸滿冰水而覺得無味~

麵條煙韌

食完熱辣辣烤肉再食,

即時覺得無咁上火~~HOHOHO!

 

有留意開我個BLOG 嘅朋友都知..

我愛呢家烤肉嘅原因,

除左有蛋漿..

仲有呢個豬皮!!!!

 

豬皮係一個 “又怕” “又期待”  嘅食物~

因為佢燒到咁上下,

切成小塊時,..

稍一不留神就會爆彈開..

唔小心比佢D油彈到都幾痛下~~

所以一剪細左..就要小心留意..XD

豬皮口感係帶少少辣味..

膠質勁彈牙…

正!!!

如果技巧夠高..

燒到外面有少少燶..

就咁食便會享受到外面香口入面煙韌嘅口感啦!!

 

 

麻浦鱔魚 (₩8,000)

呢個生物我第一次見到時,

真係覺得勁核突~

但當燒完之後,

食過又係返唔到轉頭之選!

 

 

鱔魚本身有醃過…

帶有DD辣~~

食落係好脆口~~~

越辣越想食~~~~~~~~~~~

(上次 “回鄉” 時的圖片)

 

食後感:

返鄉下嘅時間已經進化到一年兩次~~

但每次返去最少食一次呢間烤肉..

咁食後感..應該唔洗講啦掛XDD

平!靚!正~!!!

 

餐廳資訊:

名稱: 新마포 갈매기 (弘大店)

地址: 서울특별시 마포구 서교동 365-5 /

首爾特別市 麻浦區 西橋洞 365-5 (地圖請看下面第二條連結~)

是次消費: 約₩96,000/4人

對上一次到訪文章(有圖文教你點行去)—> click 入!

首爾回鄉篇 の 新마포 갈매기 (弘大烤肉)

 

分享
上一篇文章冬季歐遊 ─ 瑞士登山篇 (蘇黎世、策馬特、馬特洪峰)
下一篇文章有型有格車牌
版主天生好動、愛玩、愛買、愛吃、更愛煮, 近年活躍於嘗試不同的新屎坑 (文雅d可以叫 “新開餐廳” ), 久而久之,除了對不同餐廳的帳房略有貢獻之餘, 亦在三五知己構思聚餐地點上有了不少心得和啟發, 一次因緣巧合認識了一位餐廳創業人, 在欣賞其創業理念的同時,便萌生起以文字記錄個人飲食經驗的想法, 剛開始只在某個平台微弱發聲,及後在各方好友支持及鼓勵下, 開設屬於個人社交網站第一個 (應該也只得一個) 食評--- Everything About Eating終於在2013年4月面世, 版主決定用自己的荷包及味蕾, 將本地或其他地區絕無商業成份的美味發掘出來, 與此同時亦會不定期加插個人出外遊記, 實行貫徹無私分享的精神,盡可能將版主認為好玩、好買、好吃的分享給大家~~! 欲了解更多關於Everything About Eating, 可到以下網頁https://www.facebook.com/EverythingAboutEating?ref=bookmarks