蝦佬各位蛇友，天氣近排冷咗，剛過咗個唔駛着短袖衫嘅快樂聖誕。各位蛇友聖誕食左啲咩呀？咩話？！又系火雞，RUM CAKE, 再火雞，火雞。。。又系火雞。嗨，冇計。。。。。火雞可能得罪耶穌！
我系條信徒蛇，又愛雀仔。。為免無謂嘅殺生，蛇仔決唔會 “毛啦啦” 為節日而食火雞。
天氣冷冰冰，大家要着多件衫之餘，食野最好以形補形，食嘅野要物似主人形。
大家着羽絨，照吓鏡。。，嘩，成舊雲吞咁款！！！ 好喇，今次就講本地雀仔園極好味雲吞小店 – 潮園小食。佢地啲雲吞好似三個月嘅BB 拳頭咁大，入面還有彈牙有蝦味既蝦豬肉份量啱啱好。。咬落鮮甜肉汁由牙縫傳送到喉嚨。。，吾~ 鮮甜味美，回味無窮！！食左暖笠笠，係寒冷天氣食物嘅首選！
拿，天氣呢一兩日又再凍到打冷震，大家不妨去呢間本地小店食翻幾粒巨型雲吞，包你成身暖晒！
電話: 28308263
地址: 馬大臣街43號地
