由於今次旅程是即興兼跟團，所以旅行前並沒有做到資料搜集，我對斯洛文尼亞的認識僅僅限於行程表上那兩三行字，不過可能就是因為對這個國家沒有憧憬，反而顯得驚喜處處，估不到這個國家無論是自然景色和城市建築都這麼美，遊走在這個國度，總覺得特別悠閒和舒服。怪不得一些旅遊達人，會喜歡沒計劃的旅程，原來他們都在尋找藏在轉角處的驚喜呢！

點解無端端係旅遊景點放個籃球架係度,仲提供埋籃球比D遊客即興打下波?睇埋落去你就知架啦!

到達斯洛文尼亞,第一個景點就係世界第二大既布斯當娜鐘乳洞

排隊入鐘乳洞既時候,會有現場樂隊搞搞氣氛,包你唔怕悶

由於鐘乳洞好深好大,所以首先要坐依D小火車入去,依D小火車感覺上都幾高速,有幾個位同D鐘乳石貼身而過咁,都咪話唔驚,記住要坐穩!

依條咁奇形怪狀既生物叫”HUMAN FISH”,係依個洞特有,生活左至少一百年,如果用肉眼睇都要好留心至睇到,普通相機更加無可能影到,唯有係紀念品店的圖冊上影低留念.

出到黎,就梗係要買下野,依度有好多蜜糖產品,亦係小妹飲恨的地方之一,由於係旅程開頭,不想買太多玻璃樽的物品,所以只係買左支蜜糖酒就算,其實…應該買多D,唉,早知買埋樽藍梅味蜜糖啦…….

好有氣勢的龍

依度就係斯洛文尼亞首都盧比安娜市好出名既龍之橋啦

唯一可能就係橋頭有依對咁痛苦既情侶雕像吧,不過d表情咁痛苦,大吉利是咩.後來才知道原來雕像想表達既係亞當同夏娃闖禍後,害羞懊悔的模樣……

導遊話依條橋叫情人橋,,,,嗯,,,,,除左好零星咁扣左D鎖係度,真係聯想唔到同情人有咩關係

盧比安娜河的兩旁有很多露天餐廳和咖啡店,好悠閒呢

位於市中心的聖方濟教堂

盧比安娜市的建築物都很美,走在街上的感覺很舒服

這裡是市中心最古老的橋”三座橋”, 整晒布置,唔通有咩活動??

市內有很多酒吧,我們最終選了這間,因為依間酒吧除左一般的座位外,仲加設左樓梯位,座墊加小木台,坐係樓梯到睇住d選手跑,好有feel哦

來到盧比安娜,已經留意到周圍拉晒封鎖線,又整晒佈置咁,打聽之下,原來今晚有個市內馬拉松比賽,哇,真係開心到彈起,入夜之後,已經見到好多馬拉松選手係度跑,去旅行有咩開心過撞啱當地活動!

嘩,咁多人既,大家仲記唔記得一開始,旅遊景點那個籃球架…..登登登登…..謎底終於解開啦!

今晚依個城市比我既驚喜唔止一個,原來斯洛文尼亞係今年歐洲籃球聯賽既主辦國,今晚仲要有斯洛文尼亞作賽,所以係戶外set左個大電視,個個拿住杯啤酒睇比賽,咁都比我們遇正,真係好想買張六合彩

睇完比賽,個個情緒都咁高漲點算,唔怕,大會已經係大電視旁搭左舞台,唔使移玉步,BAND SHOW即刻開始!

話晒都係跟團,時間唔到我們自由控制,想睇多D野,唯有早D起身,不過對於依個望落好近既山上城堡,當你去到一半至發現仲有好漫長既山路,要睇埋佢兼準時返到去集合,唯有博晒命咁跑上山,上到去見到個城堡咁普通真係想喊!

咦,咪喊住,嗰度咪係尋晚比賽既地方,原來依度望到晒我們走過的地方架

聖方濟教堂呀,依度望落去好靚呀!嗯,,,,,不過我地得二十分鐘返去集合,要準時既話,我地依一秒開始要跑落山同跑幾條街返去酒店,,,,,,SUPRISE!!!

除左散步形式外,還可以選擇坐馬車遊碧湖

碧湖(LAKE BLED)真係無改錯名,湖水清澈,空氣清新,真係人間仙境咁!

湖中間有個小島叫BLED ISLAND,可以坐船過去,如果有時間,我都好想登島看看.

BLED CASTLE是一個中世紀城堡,不妨在這裡飲杯咖啡,感受下中世紀風情!

強烈推介在城堡上看碧湖既景色!感覺完全跟湖邊不一樣哦!