早排鬧得熱哄哄嘅杜X風X行首爾出街前，
我已經係FB post過食韓牛必選馬場洞畜產物市場！！(絕非抽水文…XDD)
雖然路程真係比較遠，
但係除咗肉質靚之外，
價錢仲比首爾市區價錢大眾化得多…
食韓牛…再絕非有錢先得！XD
因為馬場洞畜產物市場마장동먹자골목
本身隔離就係一個屠房，
所以你係呢度買嘅牛肉，
唔單止新鮮，
仲會非常抵！
見到呢個牌坊就代表你已經到咗 (點去，文尾會講)
牌坊前少少就係賣肉檔，
你可以選擇係呢度買完，
再入去牌房入面，上二樓搵餐廳加工~
好似我地咁…
唔多識揀肉嘅都唔洗驚…
可以去牌坊右手邊嘅呢條韓牛一條街!
小小嘅一條街入面，
起碼有20幾間食韓牛嘅舖頭~~
一早搵定哂資料嘅我…
就直接去到目的地~~~龍門家 용문집
我地坐低咗之後，去外面洗手間時發現，佢亦係最多韓國人幫趁嘅一家！
店入面都唔細，
客人可以揀坐 “他他me”，或者係普通嘅飯枱，
我地….梗係揀有韓國風味嘅 “他他me” 啦…(學韓國人食飯要 “棟” 高腳…XDDD)
老闆係咁指住我地後面…
李英愛去佢地舖頭嘅畫面Banner~XD
叫我地合影..~__~”
我地坐0個個位…
有個大風扇，
老闆怕我地吹親，
所以就將我地張枱搬返過D~
勁貼心！！！
除此之外，
餐廳仲好細心…
準備咗呢D膠袋比客人裝隨身物品，
唔怕食完D褸D袋都係一股烤肉味~
仲有圍裙提供，
着淺色衫嘅朋友…都無友怕~~
呢度有套餐提供，
係用g (gram) 數來計算的~~
大約有4~5種不同部位嘅牛肉拼盤，
有700g~
可以2~3個人吃…
價錢係₩8000 (大約HKD570左右)
係澳門D韓食烤肉店…
淨係牛肋骨一份都要你200到 “忟”…
呢個真係真心抵！！！
點咗菜一陣…
識講普通話嘅阿珠媽已經擺好咗陣…
用嚟點肉食嘅醬油都有三款~~
泡菜都點少得？！
佢哋嘅泡菜都幾好味~~
呢個我好少就咁食,
通常都係用紫蘇葉或者生菜包住D肉時, 包埋佢一齊食~
呢個生洋蔥都係~~
生蒜頭同樣都係我食烤肉時嘅最愛！
生牛肉拌梨 (套餐包)
韓國嘅生牛肉係我最愛其中之一！
呢度嘅生牛肉搭配咗勁多高梨~~
勁甜…
佢呢個比起我最愛嘅新마포 갈매기生牛肉拌梨更勝一籌！！！
係黎呢度食飯之前，
做過research…知道套餐入面會包埋呢碟附送嘅生牛肝同埋生牛柏葉…
由入到門口0個一刻…
我仲係度諗緊究竟應唔應該試……
到最後…
我唔知邊度黎嘅勇氣…
居然真係將生牛肝放咗入口！！
仲食咗兩三塊！
返到澳門之後，
好多朋友都問我感想… (仲好佩服我嘅勇氣,..點解生嘅內臟都敢食！)
其實麻…韓國真係賣得生野嘅舖頭,
都有嚴格標準…同時間…亦係對自己嘅貨源非常有信心，先敢賣的~~
本住乜都試下心態…所以我都係放咗入口！
味道….其實一d都唔血腥…
睇相都知道生牛肝非常新鮮 (血紅色！)
但唔會有血流出來~
味道其實幾爽口…同埋帶d鮮甜…
(well…其實更多朋友擔心我返到黎…食完有無肚痛不適…WELL~~~係絕對無的！！！XDD)
味道係唔錯架！
生牛柏葉 (其實我都唔知佢生定熟…)
就有D “un” (爽過頭？) 食咗一塊…我就無食lu~~~~(味道其實就係同普通食到的差不多)
呢碟就係今晚主角…
牛肉拼盤！
肉色非常吸引！！
碟牛肉仲會附帶一碟鹽~~
但d牛肉非常新鮮，
個人覺得唔需要任何調味已經好正，
所以無點過~
我都已經唔係好記得…
咩部位打咩部位…
不過真係睇佢地紅彤彤…就知道一定新鮮!
細心嘅阿珠媽會教我地先燒肥牛~
所以比咗一個鍚紙兜我地~~
肥牛只需要輕輕燒下就已經熟，
唔會太肥，
味道不錯~~(不過比起後面0個d肉, 就梗係失色啦！！)XDDDD
不敢生吃牛肝的LH小姐，
於是就燒熟來吃…
我覺得熟吃好似仲甜D！
之後0個D…我都唔係好分到咩部位…HAHA
通常我都鐘意包菜，生蒜同埋一D配菜食…
食哂呢D配菜，可以同阿珠媽講要REFILL~
雖然唔係好識分咩肉打咩肉…
但係咁多款肉，
我最愛呢款帶有雪花的！
個人最愛燒到6成熟左右，
因為肉質仲保持嫩滑彈性…~~
入口好香牛脂味，
而且肉質軟林…
好正！！
呢款肉質都唔錯，
LH小姐最愛這款~~
但我都係最愛有牛脂 (雪花) 嘅多D！~~
食後感：
我未係首爾其他專門地方食過韓牛，
所以唔知有幾貴…(只係聽身邊朋友講)
但呢家真心平靚正~~
肉質新鮮，
所以D肉唔需要任何調味，
燒熟就食得…
位置雖然係遠D…
但為咗食靚牛，
值得去！
餐廳資訊：
名稱： 龍門家 용문집 (馬場洞畜產物市場마장동먹자골목)
地址：首爾特別市城東區馬場洞803 서울 성동구 마장동 803-0
營業時間：11:00am-02:00am
交通:
1. 紫色線坐到541馬場站走2號出口樓梯出 (上一洞方向)
2. 向前一直走，沿途經過一些餐廳
3. 看到橋之後左轉走15分鐘
由2號出口出來，
直望就會見到有條天橋，直行…見到佢之後就轉左
之後一直行，行到尾…左手邊就係0個個街市,
你可以買完上街市上面搵D有 BBQ爐提供嘅食店燒來食。
或者對佢右手邊嘅韓牛一條街。
呢度嘅每一家餐廳都有套餐提供~~
以g去計算份量的~~
