長大的張志明,還是你喜歡的張志明嗎?

小雙俠在電影情節或者一段關係裏面,經常出現這些對白,「你又係咁?」、「點解你次次都係咁?」、「你成世人就係咁!」。到底這個「咁」,即係點?「咁」係電影「春嬌救志明」入面,春嬌覺得張志明在危急關頭永遠都係諗自己先,就好似他們去台灣旅行的一幕,激情過後突然遇上地震,春嬌害怕到靠在門邊不能移動,而張志明則嘗試拉春嬌去枱底下避難卻失敗,只好自己跑到枱底下再將枱拉近春嬌。過後春嬌很失落,她認為張志明不愛她,覺得志明「次次都係咁」,危急關頭總是走了去,令春嬌失去安全感所以選擇再離開張志明。站在觀賞電影會明白他們只是站在不同的角度看事情而導致分手。

現實生活中,情侶之間的「咁」也經常出現,「你又係咁?叫咗幾多次去完厠所要蓋好個厠所蓋先好沖厠?」、「你又係咁?你可唔可以浪漫少少?你唔想過節日浪費錢啫,咁比個Sweet D 既 message 都得掛?」、「你又為咗打機唔理我,點解你次次都係咁?」、「次次都話會改乜改嘜,改係邊?你成世人都係咁!」作為女人,見到身邊這個男人「成日都係咁!」嘅時候,確實會令你懷疑對方的愛!腦海不斷Loop 他不愛我等非理性想法,因為如果他愛我就會改!

早前與一男生閒話家常時,佢突然說了一句「我就係咁嫁啦!」啊!對啦,女人要學習的不是要有幾高的本領去馴服身邊的男人,而是接納「佢就係咁」的個性及習慣。

記得春嬌失意時遇到外星人,佢問外星人跟張志明還可以一起嗎?外星人回答五十/五十。相信這一幕說穿很多女性在抉擇時的迷茫。雖然明眼人就知答案等於無答過一樣,而答案又一早在自己的心中,只是不願意去面對,幸好春嬌的故事是大團圓結局,有情人終成眷屬。但願大家都可以真誠面對自己的內心選擇所愛,成熟是一種妥協,放下自己的標準,接受另一半「佢就係咁」。

 

青老師語錄:「彼此失意時再次擁抱,也許你會聽到再次同步的心跳聲,就是你的答案。」

青老師

青老師
鍾意男人,更鍾意留意男人,鍾意望下男女之間既互動;會睇AV唔會扮低B,少少咸扑扑脆,咪以為女人寫兩性代表隨便任性,期待文章與你有共鳴。

 


 

春嬌跟志明電影系列的成功,在於它反映了一個十分代表當代兩性的問題,遇到一個「人渣」,你可以有理由理直氣壯離開他,但如果他是一個「長不大的男孩」,你又會如何做?你總會聽過身邊的女性朋友投訴「成個細路仔咁!」,各位絲打的情況我就沒辦法評論,就拿春嬌同志明的故事跟大家說一下。

首先回一回帶,春嬌同志明在第一集是如何「撻著」?還記得春嬌本身有個男朋友嗎?他是黃德斌,雖然他出場不多,亦沒交代他甚麼背景職業之類,但找得黃德斌做的角色,當然是成熟MAN爆那種人啦。春嬌會移情別戀,其實就已經代表她本身就係鍾意張志明夠「小朋友」! 無它的,年青人夠浪漫夠激情丫嘛,明天煙仔加價,今晚揸車周圍去買煙,幾浪漫呀!

第二集,春嬌35歲,志明31歲,甚麼激情玩兩年都夠啦,會選擇離開張志明一點都不出奇。而劇情亦安排一個光頭佬出現,你以為春嬌走硬,點知她自己也講「我好努力擺脫張志明,點知自己變成另一個張志明。」明明已經係車站準備上車,最後都係返去張志明身邊。

第三集,張志明36歲,觀眾都有眼睇,其實佢成熟了好多,最多都係買下玩具,但其實買玩具又不代表一個男人唔成熟喎。反而春嬌就多疑心煩氣燥,又鬧分手,話「唔好以為次次搞場大龍鳳就可以氹返我。」但口裡說不,身體卻很誠實,最後志明都係選擇搞大龍鳳,而春嬌又OK喎。不要忘記,余春嬌40歲,朋友慶生仍在玩cosplay party,佢有多成熟呀?如果余春嬌真是鍾意成熟的人,第二集已經揀了光頭佬啦。

Pheromone就曾經聽過一句說話,「開始時喜歡他的那種特質,最後會變成你最討厭的特質」。所以各位絲打,在你投訴另一半「成個細路仔咁」之前,回想一下當初點解會揀這個人,他一定是有某些特別因子令你愛上他的。如果真是喜歡這個人,不要像余春嬌那樣挑戰男朋友,因為不是所有人都像張志明,願意為你搞幾次大龍鳳。

 

Pheromone語錄:「莫忘初衷。」

Pheromone

Pheromone
理性面,感性底。不愛讀書,愛文字。忠言逆耳,廢話少講。
突破盲腸,點出真相。
分享
上一篇文章樓上的琴聲
下一篇文章面部清潔的重要
他來自火星?她來自金星?男女之間充滿了不同甚至有極端的想法,男有男講女有女講,會是矛盾連連或是火花四濺?「他與她的左右手」與大家暢談男女熱話。