追尋 “您” 想道路

 

一轉身,十年嘅光景就咁 “沙” 一聲匆匆流逝!每當有新一屆澳門理工學院藝術高等學校嘅設計畢業展,我都會禁不住回想當年;就係為咗呢短短一星期嘅畢業展,我們都不眠不休地每晚在電腦室渡過咗成個學年;看似好勤力,實質就每晚十一點先返到學校電腦室,吹下水、開個ICQ chat下又hea下,直到兩點幾就會有一位同學自動將外賣單投射上牆問大家食咩。當年其實都無咩選擇,來來去去只係會叫皇朝全球居同小熊貓*。大家食到三點幾咪開始埋位標童囉,其實標標下都開始標眼水!最後成班同學撐到朝早有巴士搭咪番屋企囉!玩下玩下又過咗啦,做設計嘅人大多數都係咁過架,太執着反而仲 “度” 唔到好野!

 

不過時代真係變咗,我可以話當時嗰四年大學生涯,我真係玩住過,完全無現在新一代大學生咁積極!又或者社會的步伐快咗,呢幾年澳門人的機會又多咗,從只有澳葡文化已進身到國際大舞台。所以我個人好喜歡今屆設計畢業展的主題:“The Road”。正因為過往前人的努力,為我們鋪出不同的道路,有創意工業也有商業展覽等等不同範疇嘅發展機會。所以今屆的畢業生更應把握這個夢幻年代,不應只追求着設計美學上的點、線、面;顏色和構圖只是平面設計(graphic design)上的一環。像人的表皮一樣,可有上過億種的變化,但皮下的骨肉結構才是支撐及帶動人皮的關鍵,即是根本的創作意念(creative)!要記住,想到一個好的創作點子總比做一項設計難上好幾倍;我都已經唔再幫人做一張咭片,半個logo,要玩嘅就玩成個業務的包裝、市場定位、宣傳策略等等,有一個背後故事的支持(idea),設計才會到point,俾人改的機會就會少好多。希望各畢業生可在未來的道理上發光發亮;有時話自己做creative而唔係做design真係型好多架!共勉之!

 

澳門理工學院・藝術高等學校 – 設計課程及視覺藝術課程畢業作品聯展

日期:2014年5月16至27日,上午10時至下午8時;5月28日,上午10時至下午6時

地點:澳門理工學院 – 體育館

http://www2.ipm.edu.mo/esa2014/

 

* 哈哈!有相關人士更正咗我,當年小熊貓係收零晨4:00,而我地係3:45先打電話去叫外賣架!那些年真有趣!XD