不論你去過抑或未去過,
總會聽過韓國年糕嘅大名..
所以…來到韓國,
吃年糕鍋是常識吧?XD
之前有去過新堂洞嘅年糕街,
味道真係唔錯..
不過唔多順路…
由於每次定必係弘大殺過你死我活,
所以你見我基本上9成嘅食店都係呢一區~~
今次呢間..亦係~~XD
(所以有任何朋友問我住邊方便, 我一定係介紹佢住弘大!!)
朴君家年糕鍋門口非常易認,
超級懷舊的感覺~~
入面除咗有少部份遊客外,
其實大部份都係本地學生多~~
用餐時間,
一推門真係會嚇親…
坐滿哂人,
我同L小姐坐左最後兩張剩餘嘅枱,
之後都有人係出面等位~~~
店入面嘅裝潢,
超有小時候住木屋的感覺~
尤其呢部電視機…
比較多人爭嘅,
係呢邊靠窗位置…
木Chair嘅腳…係碌來的~~
點解呢d位會特別多人爭坐..
原因就係店主本身都係藝人,
所以非常多藝人老友來撐場~
而邊位藝人, 坐過邊個位置,
店員都將佢地標示哂出黎…
要想 “親近” 自己偶像,
就要早d黎揀位啦~(笑)
餐廳menu好簡單,
而且有中文, 唔需要擔心~~
店員oppa 英文都唔錯,
會主動解釋menu.
網上搵資料時,
曾經聽過….
呢家店..非常玩味!
就係你叫店員..係唔會有人so你的~~
呢度想成功落單..
就一定要 “暗號”!
叫 “park goun na (박군아)”，就係是 “朴君呀~” 咁解~~~
可能我地係遊客..
當日..我地未揮時手,
店員已經主動埋黎照顧咗我地..(呼…嚇得我!!!!!)
餐前小菜係自助 (每組枱都有~),
隨手可得~~~~
他們的酸蘿蔔超好吃的!!!!!
枱面上除咗有爐具之外,
仲有一個水喉..
自助式酙水~~~~
我地點左甜米露,
店員oppa即刻酙~~~~
呢部機..
令我諗起小時候的果汁汽水..XD
甜米露 (₩1,000/杯)
韓國傳統飲品,
韓國人好鐘意去汗蒸幕時,
一人一大杯,
呢度嘅甜米露唔會好甜,
米粒有咬口!!!
我只係飲過釜山某家spa的甜米露,
但我覺得這家好喝很多!!
雖然天氣好凍,
但吃辣辣的年糕鍋配這個,
非常讚!!!
2人份芝士炒年糕 (₩8,000/2人份)
芝士年糕鍋本身有嘅材料包括年糕, 青口, 高麗菜, 甜不辣, 冬粉, 青口同餃子等~~
齋睇好似無咩殺傷力….
但其實D辣未煮開~~~
呢 “pet” 辣醬先係靈魂~~XD
因為已經係食早午餐,
所以我同H小姐仲加點咗呢堆野~~
綜合拼盤 (₩3,000)
有冬粉紫菜卷, 蔬菜餅, 魷魚, 炸餃
辣醬煮開後,
我地就加芝士落去~(因為忘記咗已經係叫芝士年糕鍋, 所以出現了兩碗芝士..XDD)
加點芝士 (₩1,000)
店家非常細心…
係個柄度裝左隔熱把手…等大家唔洗驚 “辣” 親~~
芝士融咗就可以開動!!!!
啱啱融嘅芝士,
配埋索哂汁嘅冬粉..
好正!!!
就算煮到尾, D冬粉都唔會爛~~~
好味!!!!
本身鍋入面有嘅餃子同埋魚板,
個人覺得味道都不錯~~~~
炸物拼盤睇上黎雖然係油左DD..
但一放左落年糕鍋吸左D汁之後,,
惹味指數直線上升!!
個人最就愛就係冬粉紫菜卷
魷魚最唔like..因為炸到好 “un”….
食後感:
食店一到用餐時間,
會出現等位人潮,
證明味道有保證~~~
年糕鍋味道ok,
但會越食越辣,
怕辣嘅人..可能未必得~~
(我地食到尾0個d辣到要加水..不過越辣越想食!!…hahaa)
價錢絕對係非常實惠!!
2個人飽到上心口..
先係₩16,000
而且侍應夠主動又夠細心..
想吃年糕鍋, 又唔想刻意到新堂洞咁遠~~
呢度係一個好選擇!
餐廳資訊:
名稱: 朴君家年糕鍋 박군네즉석떡뽁이
地址: 서울시 마포구 서교통 450-3
交通: 弘大入口地鐵站９號出口出來即刻轉左，之後直行, 係第2個街口再轉右直走， 一路走到想像庭園，過對面馬路, 望向右上方就會見到 “朴君家懷舊年糕鍋”
