虎咬堂

 

mmexport1564290578093

虎咬堂位於官也街的小巷,採取中西合壁的手法,以中國傳統的「割包」為藍本,注入餐廳常見的食材配合創新的烹調技術和速食文化,打造一系列嶄新獨特的「虎咬包」系列。原來虎咬堂的店主曾在英國生活,所以他對烹調食物具有獨到的心得,虎咬堂的麵包都是店主花了不少時間研究出來。

好多人衝著脆皮乳豬來吃「虎咬豬」,我反而選擇吃「虎咬鴨」,「虎咬鴨」用的是竹碳麵包,「虎咬鴨」裏面有煎蛋、油封鴨腿絲、沙律菜、車打芝士脆片和紅菜頭整嘅洋蔥醬料,真係好食架!可能因為每個遊客來澳門都一定要食乳豬,大部分人都叫「虎咬豬」,但其實「虎咬鴨」都好好食! 點完「虎咬鴨」,店家姨姨有禮貌地介紹不如點套餐,因為食物飲品一樣,價錢平$2,仲有薯格送!薯格本身就灑上香草香料,再配上店家特製的莓果醬,很不錯!

唔食肉嘅朋友可以試下芝士牛油果滑蛋法式包,最近虎咬堂仲推出咗鴨皮溫泉蛋,雖然有D邪惡,但唔係成日食都唔怕嘅!入口即化嘅流心蛋黃加香脆既油封鴨皮口感十足呀!

喜歡試迎新產品的人可以試下啄啄薑糖椰子奶昔,店主特意將孩童時代三款古老零食叮叮糖﹑椰奶和薑汁結合,整體搭配起來非常完美。杯啄啄薑糖椰子奶昔真係好特別,期待下次試下另一款包同奶昔!

最後,店家姨姨熱心服務值得一讚!

 

地址: 澳門氹仔舊城區客商街頭2號地下

電話:853 2853 3079