舊香港 —— 海安咖啡室

01

係香港仲可以搵到舊式茶餐廳真係有啲難,小編每次坐巴士返屋企都見到一間舊式茶餐廳,今次終於試到啦! 呢間舊式茶餐廳「海安咖啡室」已經有60多年歷史,裝潢始終如一冇變過。因為舖頭位置係開三角碼頭附近,每日都會有船員經過,所以老闆將咖啡室取名為「海安」,就係希望出海的人都可以平安返嚟。時至今日,變成香港最舊嘅茶餐廳之一。店入面嘅美食除咗吸引老顧客外,仲吸引好多遊客必訪嘅餐廳。近門位置嘅櫥窗擺滿舊式包點、西餅。

小編約咗朋友嚟食午餐,專情嚟到就更係要叫最受歡迎嘅嘢食啦!小編叫咗一碗鍋仔公司麵,入面有鮮牛肉、餐肉、腸仔、雞蛋、五豬肉丁、叉燒。因為係用一個小鍋裝住,所以叫鍋仔公仔麵,都幾特別。唔想食公仔麵,可以轉為米粉,唔需要加錢。而小編嘅朋友就叫咗叉燒雞蛋撈麵,叉燒完全冇偷功減料,每一舊都色澤均勻,仲好好味。另外仲叫咗杯海安奶茶同海安咖啡,奶茶香滑,咖啡口感幼滑。

仲有其他特色推介嘅三文治今次試唔到,因為只限星期一至四下午兩點半後,同埋星期六全日供應。唯有下次再試啦!

 

地址: 上環干諾道西17號地下
(港鐵上環站 C出口,步行約6分鐘 / 港澳碼頭對面)
電話: 25406340
營業時間: 星期一至四 07:30 – 16:30
星期五 07:30 – 15:00
星期六 07:30 – 16:30
星期日及公眾假期休息
付款方式: 現金
平均消費: 是次平均消費 $65