綠湖下的公園

今次要介紹架呢唔喺咩新穎環保設計,而喺一個比雪山包圍住嘅一個湖同公園。

呢個湖位於奧地利嘅施泰爾馬克州 (Styria),包圍住湖嘅喺阿爾卑斯山 Hochschwab mountains 山群;翠綠色嘅湖水非常清澈,所以當地人稱之為綠湖 (Grüner See / Green Lake)。咁有咩咁特別呢?

 

特別在於冬天嘅時候,湖水只有2米,而湖周圍嘅地方就用嚟做公園,啱哂行山同遠足愛好者。而六月份當雪山溶雪嘅時候,湖水高達12米,亦喺綠湖吸引最多潛水人士嘅時候!因為湖水覆蓋公園,喺清澈透明嘅湖水下可以見到公園嘅長凳,木橋,步行徑。喺咪好特別呢!

 

真喺好欣賞當地休憩同綠化工作,因應天氣變化而構造簡單嘅配套,唔怕浪費資源嘅同時,又將傷害自然環境嘅機會減到最低。呢方面其實好值得亞洲地方學習。尤其喺澳門,呢類人多地少嘅地方,好多時因經濟發展嘅需要,僅餘嘅自然環境都會被傷害,我地嘅健康亦都受到傷害。好多西方國家已經喺社會、生態、環境同健康上賠上好沈重嘅代價。我地喺咪時候要起身,帶頭做保育綠化工作呢!

 

圖片來源:  amusingplanet.com

分享
上一篇文章醜女與和尚
下一篇文章向泡菜國首都出發!
喜歡綠色文化,希望把環保概念帶入藝術與設計的工作。剛創立以支持年青藝術家,宣揚綠色生活為主的網站。