絕對貼地咁著名牌?

日本有好多中古店,
歐洲有好多Vintage shop,
美國都有出名嘅二手名牌網站。
佢地都好受當地人甚至慕名而來嘅遊客支持。
除左包包之外,名牌衫同鞋嘅選擇都唔少。
相反香港賣二手名牌嘅店鋪都係以包包為主。
賣一般牌子二手衫嘅店舖唔難搵,

但如果你係對二手潮牌衫甚至名牌衫有興趣的話,就真係唔多店做喇!

 

點解我會講起呢樣嘢呢?
事關我工作一部份係成日需要周圍影下相 ,
但影下影下,就比我啲朋友話喇:
「你啲相係就係影得唔錯,但啲衫不停重複嘅?」
(我心唸。。。原來有人發現架?哈)

出活動又係嗰啲,影外景又係嗰啲,
有時連去商會活動同埋訪問嘅衫都開始咗撞喇!

咁我可以點?又要啱場合見得人,
咁即係最好有番咁上下喇?
換句話說買衫係一種投資,要洗好多錢。
咁我又點令到我呢方面嘅投資做得更有效呢?

尢其個個都講,香港地少人多,
屋企個衣櫃大極有個譜。
就算唔係影相,我知道好多人都會想多D變化。

 

好喇!咁我就綜合左幾個可行嘅方法喇:
—租衫
—購買合適嘅二手
—將自己已經唔再著嘅衫處理好佢

 

直到我接觸到一間推動二手時尚嘅公司「2Hand」,
37782323_908660969317066_3566358718805180416_n

佢地嘅服務就係一站式咁幫我解決到呢D問題。
專賣二手名牌衫,男女嘅衫都有,
亦提供上門收衫服務,
可以幫我處理我本身唔再着咗嘅衫,等我可以將佢變返做錢,

仲有唔同嘅牌子選擇或者租借。
包括 Stella McCartney、Valentino 、Off-white、Max Mara 及 Maje 等 。

佢地收到嘅未必係最新潮款,但當中我的確搵到有質素而且價錢優惠嘅衫 。
幾百蚊起已經有交易,絕對貼地!!

我比較驚喜係佢地會用唔同嘅方法集合同鼓勵大家斷捨離及二手消費。
例如 Facebook live Bidding,以低底價推售等大家出價競投。
刺激之外最後成交價都好優惠,3折丫咁。令年輕人都較易負擔到。
佢地有客甚至係拎啲買左番去完全無著過嘅全新品出黎BID。

我就輕鬆襯左佢地既產品出活動
比大家睇下
za3Gucci活動上跟Whyman合照
(*女:上身由2hand提供品牌:Elliatt)

(*下身裙由2hand提供品牌:Stella McCartney)

 

啊!另外聽店主講,原來男仕嘅潮牌係佢地店特別受歡迎 。
可能亦因香港冇咩人做男裝寄賣,基本上全部都係透過網上,唔會好似佢地咁有實體店,比客人睇清試好再買既。

45231193_975990902584072_8361843387308965888_n

 

其實講嚟講去我係最欣賞佢背後嘅意念:「環保」
近年都有大型嘅 Fast Fashion 品牌,
特別推行環保回收嘅活動 。我覺得係件好事。
而「2hand」就算有部份賣唔出嘅衫,
都會進行一D社區活動送比有需要嘅人。

 

聽完咁多,唔知大家會唔會好似我咁反思下自己嘅需要同埋改變一下呢?一齊進行更精明嘅消費模式喇!

 

2HAND
FACEBOOK:https://www.facebook.com/2handltd/
IG:https://www.instagram.com/2handltd/

分享
上一篇文章朝聖上海蟹王府
下一篇文章刀劍男子——加州清光
80後追夢人 大學主修會計 曾從事銀行及地產發展商 畢業數年後 放棄穩定收入及工作 走上創業路 愛做生意 愛美容 愛電單車 也愛分享 八拾花火,目斗音粒 創辦人 Amen Florist & Décor Co. Ltd.董事 “Businesswoman loves to try just because life is good”