節目質素

身邊不少朋友呢兩日都好緬懷ATV,一個二個講到甚麼唔捨得,甚麼多謝陪伴我哋咁多年等等。但老老實實你又有幾多時間真係嘗試或曾經去欣賞過人地嘅節目先,最多咪睇賽馬同六合彩咁大把,講到尾最係咪又係睇返某台既低俗劇集。

 

其實本人都幾欣賞ATV嘅節目,相對其他台,佢嘅資訊性節目確實做得唔錯,也相對較多非娛樂性節目,當中亦有不少有相當不俗的口碑。只可惜,口碑同收視係兩回事,現實係大多數人都好似鐘意睇勾心鬥角,爭權奪利嘅劇集多於反映時事生活嘅真實故事。而如果想有高收視,節目就千其唔好太真實,假都唔緊要,最好加埋幾幕強姦又或者露胸鏡頭,總言之有視覺刺激就有高收視。對比一下就即刻高下立見,所以咪輸晒囉。雖然一間電視台嘅結束總有點可惜,但只好怪佢唔明白節目質素嘅重要性,所謂節目質素咪就係 “你的觀眾質素如何,你的節目也必需如何”。

電視雪花