甜蜜園糖水專門店

蝦佬各位!澳門自踏入春天到現在,百分之七十既天氣都系落雨,落雨!! 落大雨!! 嗨。。蛇仔雖然適合生存係潮潮濕濕既地方者~ 但都吾駛濕成咁吓!!

潮濕落雨天的確對心情有一定影响,吾得!!我自問系一條開心快活蛇,我吾可以向大自然屈服既!我要開心,我要快活。。我要蛇腰!!
蛇仔依稀記得營養學家講過,食甜野會開心啲。好喇~~ 甜品。。我黎喇!!

 

拿,不如我地齊齊去食糖水丫!
系氹仔馬會附近有間干干淨淨冷氣充足,令人坐得舒服既小店 “甜蜜園”。
如果你問蛇仔有咩好介紹, 我會推介椰汁芒果西米大菜糕! 點解揀呢樣。因為同一時間可以响碗糖水裡面感受到心思,心機,多重工夫,重有系甜度調得剛剛好。

 

首先講吓芒果,粒粒切得大小相若,西米粒粒爽唔太軟,重有啲大菜糕,粒粒以棋子型態出場,重要分開原味同椰汁味兩種。。。。嘩,叫你係屋企自己造丫,層層工夫,瞓醒一覺都未有得食呀!

其實除左蛇仔以上推介,只要你入到去,如果吾系雞蛋裡挑骨頭,蛇仔擔保你跟著落黎既日子,想食糖水都幸定你會諗起呢間 ─ “甜蜜園”, 因為除地方舒服,干淨兼吾難泊位外,其他出品都輕度打扮又不做作地出場。其實蛇仔想坐向暑慢慢食,但冇法,坐無虛席,唯有打包!

 

 

地點: 海洋花園區廣東大馬路121號百達花園第1座121號舖

電話: 2884 1040

分享
上一篇文章第三屆澳門時裝畫藝術大賽參賽作品 -- 花千世界
下一篇文章Day 098
我從小到大也生活在澳門,對這地方既喜歡又了解。 大部份人只留意刊登在有名的飲食雜誌的餐廳,其實澳門有很多美食,包括一些街頭小食,本人希望投過這媒體逐一同大家分享。 (^-^) /”