班妮早午自助餐 ——「週日家庭娛樂 x 美食驚喜不斷」

 

IMG_9100大好週末,辛苦工作左一星期,當然要去搵好野食啦!聞說位於喜來登金沙城中心大酒店 班妮意大利餐廳逢星期日既早午自助餐進行全面升級,作為「自助餐控」既小編當然要馬上去品嚐一下!

39099556_475618622903824_2852847050440048640_n 首先大家一定會好奇,到底升級左D咩呢?原來係新增左無限暢飲多款美酒以及更豐富既意式佳餚。一入門口已經令「好酒」既小編好興奮!氣泡酒,意式Aperol雞尾酒,啤酒,果汁,瑪格麗特沙冰,檸檬汽水及清爽水果水⋯⋯簡直可以每食一碟食物都配一杯唔同既飲品呀!

 

始終食物先係主角,馬上去睇睇有咩正海鮮先,新鮮即開生蠔、龍蝦、凍蝦、長腳蟹、凍螺、青口⋯⋯應有盡有,小編都忍唔住一連攞左幾轉海鮮,無計,生蠔甜、凍螺脆、龍蝦超多膏⋯⋯正!

IMG_9099自助餐區仲供應左多款意式前菜、沙律、精選意大利芝士、現烤薄餅、各式麵包,小編就選擇左特別既鯷魚芝士蛋撻同埋即做既帕尼尼三文治黎品嘗。前者係一道咸甜交融既意式點心,撻皮酥甜,內餡咸鮮,後者則烤得香脆口感豐富,可惜呢幾款食物都比較飽肚,還要留肚食熱盤,不能吃太多。

講到早午餐經典之選又點少得:班尼迪克蛋伴以蘑菇、巴馬火腿、黑松露及芝士荷蘭醬。

IMG_9123一般黎講,大家食自助餐都會著重海鮮和甜品,對熱盤主菜唔會有太大期望。但係今次班妮真係俾左我大大既驚喜,除左外面既自助食物,當你食完前菜海鮮後,服務人員仲會源源不斷為你送上各款熱食、意大利面和燉飯,而且味道相當有水準,小編亦十分享受這種飲食體驗,因為你不會知道服務人員下一道為你送上既將會係什麼?會令你吃著面前這道菜時,同時期待著下一道菜。今次我食到既有炸田雞、燒帶子、海鮮意粉、墨魚汁燉飯等等⋯⋯真係十分滿足。

這個slideshow需要JavaScript。

小編十分欣賞既仲有烤肉專區,當中有炭火慢烤既澳洲小牛排、羊扒以及烤雞。呢區對於好似我呢類「食肉獸」黎講絕對係無限翻兜位。

食到呢個時候,其實已經飽到上心口,但係甜品係另一個胃,所以我又再次將呢度一件一件既傳統意大利甜品放入碟中,為自已呢餐早午自助餐畫一個完美既句號。減肥永遠都係明天既事,天黑前食飽D又有咩所謂呢。

此行確實無令小編失望,因為真係好少自助餐可以提供咁多款式而且優質既美酒飲品,加上一般食自助餐大家會比較重量不重質,覺得至緊要食物款式多,班妮呢度除左選擇多之外,在行政副總廚 Luca Pecorari 帶領下製作出既食物亦非常出色。加上新設既有趣互動兒童專區及現場表演,令大家可以一家大細同享週日美食加玩樂時光!

 

餐廳資訊:
Bene班妮意大利餐廳
週日早午自助餐
價格:成人:港幣/澳門幣478+ | 兒童:港幣/澳門幣100+  (*6-12歲兒童)
時間:每週日上午12:00至下午3:00
地點:澳門喜來登金沙城中心大酒店地面
電話:+853 8113 1200