猛鬼澳門街 9 ─ 佢陪你OT

shutterstock_2956404292

啱啱三色台才剛播放完《鬼同你OT》一劇,內容有驚有喜,亦很受觀眾歡迎;而事實上,你有無諗過,現實生活中,真係有 “佢” 或者 “佢地” 日日係office陪住你?以下係我的親身經歷!

成日趕project,自己一個留係office做野的確係平常事;有時快手做,十點幾就走得,但也試過留到凌晨兩點幾。由於係大公司,每晚十一點就會有清潔同事入嚟清垃圾;基本上聽到物件撞擊的聲音才會察覺到他們已經入咗office;清潔同事們係唔會出聲,只靠手語溝通。我有時快快步行過走廊,眼尾見到他們在同事座位,都會嚇一跳。

有一晚,又係一個人係度趕project,坐係角位的我,背對成個office,趕到天昏地暗,早已忘記時間。連續十幾小時望住個27吋螢幕,對眼都已經矇矇地;望望下,突然係個螢幕的黑色反光位見到有個人影在我後面跑過……由左跑向右,入咗牆!當時我個心真係離一離!因為我背後係一個矮櫃,用來隔開我跟另一位同事嘅坐位。即係黑影係穿過矮櫃再入牆……亦好肯定唔會係清潔同事!見狀,當然快快離開~

隔天再跟同事們提及此事,大家都話我可能太倦!又話我成日係office聽靈異廣播聽得太多,諗太多!但有時多聽了靈異故事,反令我更了解:“佢” 或 “佢地” 真的可怕嗎?有時俾你見到,又或許在你耳邊吹吹風,俾你感覺到;卻無直接給予傷害。反之,真實存在於你office內的某些人,一直用行動來傷害你的某些人,會否更可怕?

 

投稿人:受害者

呢個鬼故猛唔猛? 請投下鬼聖的一票。

  • 1. 睇唔到,冇料到 (16%, 35 票)
  • 2. 唔夠邪,一般野 (20%, 44 票)
  • 3. 細細聲,少少驚 (25%, 55 票)
  • 4. 面青青,好鬼驚 (23%, 49 票)
  • 5. 比野摸,嚇呆咗 (15%, 33 票)

總投票: 216

Loading ... Loading ...