為何男生總愛跟前度說生日快樂?

WhatsApp Image 2019-07-17 at 10.34.55

你有收過前度的生日祝福嗎?坦白說,Pheromone 當然也有給前度說生日快樂的經驗,禮貌性回覆的見過,已讀不回的也見過。我向身邊的朋友做了一個無根無據的統計,男生都很喜歡向前度說生日快樂,反之,女生比較少。而當我問女生有否收過前度的祝福,很多都是反白眼,然後說:「都唔知有咩意義?」

想確認自己在對方心中是否還有地位
任何人知道自己被重視總是感到快樂的,每當特別日子,例如過年中秋聖誕生日,就係驗證的最佳機會,因為即時平日唔見,普通極的朋友都會複製貼上一下。透過一個她會否回覆的實驗,就可以來個快速檢測。

再續前緣或食免費餐的機會
只要女生有回覆,機會就來了飛雲,是一個打開話匣子的機會呀。可以打蛇隨棍上問下近況,屋企人好嗎,或者上次係邊撞到你都無時間傾幾句(可能係女生一見到已調頭走)。反正就是創造了進一步檢測的機會,一個唔覺意仲可以約出來請你食個生日飯,再唔覺意開枝酒飲,更加唔覺意地送你返屋企,之後話唔定…

男生愛懷念
而會發生這一連串的期待 (或者幻想),其實源於男生對於逝去感情的撇脱程度,是遠低於女生。簡單說明,就是你會容易聽到男生懷緬過去,說著「當時條女點點點,真係揾唔返!」相反,真係好少女生會咁樣圍埋一堆,好似舉辦追度前度大會咁。

成本低廉
當然亦是最重要一點,就是現今要發一個祝福的成本真係太低。打幾個字或者一個貼圖,如果剛好佢係用無限 plan,直頭流量都慳返,更可以大方話禮貌上講聲生日快樂姐 (無祝人生日快樂或新年快樂就好無家教?) 一個接近零成本的行為,但背後卻隱藏巨大的可能回報及象徵意義,何樂而不為。

當然,Pheromone 唔會排除有人再見亦是朋友,抱著最簡單最誠心向曾經相愛的人,送上一句最窩心的生日快樂,如果你遇到,要好好珍惜這一段關係,能夠遇上相知相識互相關心的人,確是一件美事。

 

Pheromone 語錄:「生日祝福,有輕於鴻毛,重於泰山,用心判斷。」

Pheromone

Pheromone
理性面,感性底。不愛讀書,愛文字。忠言逆耳,廢話少講。
突破盲腸,點出真相。

 


我唸男生同女生一樣,就算人大了,開始無記性,但總有啲日子,唔想記住但偏偏總會記得。譬如說,前度生日。前度生日前幾日,你可能就開始緊張。到底幾時send「生日快樂」比較好呢?剛好十二點?唔好,好似顯得自己太在意。夜晚?又好似太遲咁,對方同伴侶慶祝緊生日就唔好意思啦。都喺等Facebook彈出notification後先講吧。用唔用Emoji好?心心?太over了。笑笑?好似好膚淺。笑中有淚?好似無咩誠意咁。都喺純文字比較好吧。內心劇場不斷跟自己對話,但完全無反問自己,點解要跟前度女友講「生日快樂」?

如果跟前度女友分手時分得乾淨利落,無背叛,無第三者,無怨恨詛咒,老土啲講喺性格不合。分手後偶然喺街上遇到還會點頭問好,送上一句「生日快樂」都可以講得上喺無問題嘅。但前題下,你仲覺得前度女友唔錯,滿足男人嘅視覺效果同思維幻想。但如果受傷流血嗰個唔喺你,人家被你傷得皮開肉綻,體無完膚,你仲好意思喺人家好不容易稍為愈合嘅時候,投一個震撼彈。嚇得人家措手不及之餘,仲令對方好不容易忘記又重新記起。其實,前度女友生日快唔快樂關你屁事!

只喺一句祝福短訊?真的無想像過「生日快樂」之後嘅對話?

坦白講,或多或少你都會對回覆帶著期望。

「生日快樂」

「多謝」

「你最近幾好嗎?」

。。。。。。後續嘅發展,大概唔洗C小姐寫出來吧。如果劇情喺按你嘅心意走,當然喺無所謂啦。但若然對方一直已讀不回,或者好耐先冷淡帶過一句「謝謝」,熱臉貼上冷屁股,想必你又會難過一陣子。咁你又喺自己攞嚟,唔怪得人,邊個叫你無端端跑去打擾人家。

其實,對前度send「生日快樂」、「聖誕快樂」、「除夕快樂」或者「清明快樂」之類嘅祝福短訊,本來就唔喺啲咩有意義嘅事。為咗證明咩呢?嗯嗯⋯⋯或者想暗示?對方喺你心中還保留一個位置?又或者想做朋友?就算做唔成情侶,畢竟大家相愛過,做番朋友無妨啫。問心,「你真係咁缺朋友咩?」

 

男生對一句「生日快樂」有幾執著?
不難理解眾多男生對「生日快樂」有點執著,因為生日喺充滿回憶嘅日子。準備禮物、一齊倒數、製造生日驚喜、渡過愉快嘅一天⋯⋯滿滿都是美好嘅記憶。無論你喺「提出分手」啶喺「被分手」嗰個,「生日快樂」之類嘅祝福短訊,不竟是對過去嘅一種懷緬方式。

如你喺提出分手嗰個,或許因為當年和人家分手嘅時候處理得唔喺咁好,讓對方非常痛苦而感到十分愧疚,回首感激對方嘅好。分手後嘅一句「生日快樂」,或者喺想彌補自己內心嘅罪咎感。而其實,分手後半年、一年、兩年,往後就免了。喺對方同男朋友嘅生日合照post上按個讚,已經足夠讓對方泛起陣陣波濤了。相反,如你喺被分手嗰個,「生日快樂」咩時候都喺多餘嘅﹐祝福語就不如留待分手嗰日send 句「分手快樂」!唔好再試圖過份想像從前嘅美好,乾脆delete電話號碼拉黑埋佢嘅公眾號。雙方都不翹首以盼,好好咁精緻自己,一切美好,就在前方。

好鐘意蔡康永的愛情金句﹕「在google上輸入『故事』,可以得到113,000,000條結果。但輸入『結局』,卻只能得到44,900,000條結果。可見,並不是每個故事,都有結局。」好多時,最愛的,就喺當初唔願意「浪費」時間的那一個。在錯的時間,遇到對的人,怪就怪當時大家太年青了。點都好,那些都是你錯過了嘅麥穗,而那些麥穗早已經被別人摘下來了。你就趕快往前抓緊摘下你愛的麥穗吧!

 

C小姐語錄﹕「當你真正放下一個人嘅時候,當他/她生日,你只會拋下一句:『哦。』」

Pheromone

C小姐
從不看人臉色,也不敷衍塞責
生活傷痕累累,還會精心打扮
不張狂,不誇飾
不依附,不將就

                       我是中女,也是小姐
分享
上一篇文章RUBBER BAND —— 在逆流中找到節奏
下一篇文章FUKI-Million Scarlets
他來自火星?她來自金星?男女之間充滿了不同甚至有極端的想法,男有男講女有女講,會是矛盾連連或是火花四濺?「他與她的左右手」與大家暢談男女熱話。