為何從小需要開始鍛鍊體質

hi…又係時間動一動啦~

 

今次同大家講如何從小開始鍛鍊自己嘅小朋友。我本身好鐘意睇教育書尤其教小朋友嘅書,又一向鐘意去日本旅行而且非常欣賞當地嘅公民教育,所以近期就買咗本書《日本媽媽這樣教》。內容係比較華人同日本嘅教育方法。日本人同華人嘅教育觀點好唔同,華人注重成績同個人發揮,日本人則注重團體精神和意志及身體鍛鍊。今次主要講日本如何從小開始身體鍛鍊。

 

唔知大家有冇睇日劇,有冇留意小學生冬天成日着短褲返學?其實係父母專登咁做,因為佢地認為身體太過保暖反而容易感冒,而且學校規定冬天小學生一定着得少返學運動。而事實上從這書所講日本小朋友係冇華人咁怕凍又較少感冒,因從小已習慣冇咁保護,所以日本小朋友好少出現轉天氣會感冒嘅情況,佢地非常耐寒,自然身體都增強了。日本父母認為好體質靠訓練,目的係培養不生病的小孩。日本小學生都特別多課外活動,如遠足、爬山、長跑等等,全部都係為小朋友訓練體質及意志。

 

[col_third]

日本小學生

[/col_third][col_third]

日本小學生

[/col_third][col_third]

小學生在學校鍛鍊身體

[/col_third]

[col_full][/col_full]

自己因為貪靚同埋怕着衫多又容易出汗,所以一直着得少,即使冬天一定唔會超過三件衫包括件褸,係澳門唔會著羽絨。不知不覺發現自己感冒次數比着多衫嘅同事少。身體差嘅朋友可以用呢個方法試下鍛鍊身體啦~~哈哈!

 

放學或上學的小學生都沒有家長陪同

 

小朋友是否健康係從生活上的細節開始培養,日本小學生好少由父母接送,因為希望佢地返學培養獨立、自己認路同埋多d行路,日本父母不會太過份保護小朋友。

 

 

 

日本小朋友獨自回家

 

老實講我好怕係澳門街見到父母或老人家幫小朋友背書包,根本冇呢個必要,令到小朋友十分依賴又懶。其實小朋友嘅能力比我地想像更強,大家試吓放手比機會佢地從少自立同變得堅強,讓佢地知道社會係需要努力才成功。澳門家長們要加油呀!

 

大家試吓比d簡單任務比小朋友啦~~鍛鍊吓身體同意志!

 

 

去片:

[embed_youtube id=’w9_1TjMH9OM’ width=’420′ height=’345′]

下次講吓為什麼運動是一種快樂元素… …再見!^-^