清新天然之選 —— 半邊檸

rsz_mmexport1570110178531

其實筆者一直愛喝凍檸茶,平時除咗係茶餐廳叫凍檸茶之外,就一定係去半邊檸買凍檸茶。半邊檸嘅凍檸茶用檸檬同青檸調製,茶底濃度十足,絕對係 My favourite! 唔講唔知半邊檸由去年6月開業至現在已經在澳門和珠海開設分店,最近我去買嘢飲時老闆都話佢哋自己每日都會去珠海巡視業務,用的貨源和澳門一樣,價格也差不多。老闆仲話計劃明年會係氹仔開店。

其實茶飲店也面對缺乏人手這個難題,老闆話如果沒有家人一起幫手都好難經營。話說位於聖家學校的半邊檸總店前身是中國電信,租金絕對不便宜,但半邊檸至今都能夠站穩陣腳絕對是努力的成果,老闆笑說:「中國電信租唔起但我又挨得到喎!」但老闆更自豪是得到一班回頭客的支持。半邊檸不定期推出新產品,筆者最近愛上了「半邊芒檸撞奶」,「半邊芒檸撞奶」承接了上季熱銷的「半邊檸檬撞奶」,除了有檸味十足的青檸,仲有台灣嘅靚芒果,並用原隻芒果刨碎,撞入冰奶,味道層次當然豐富,大家要把握機會去試下!講開檸檬撞奶,有好多人會覺得呢個配搭飲完可能驚腸胃不適,但其實在台灣這個飲品是非常流行,半邊檸也是從台灣客人得知這個配搭而鑽研檸檬撞奶這個新品。老闆還透露上季「半邊檸檬撞奶」的銷量很好,賣出過萬杯。 至於「西柚檸檬紅茶」,以西柚作主調,配上清新青檸,再加上紅茶作茶底,可算是半邊檸眾多檸檬茶當中,其中一項受歡迎的產品。老闆話澳門人宜家注重健康,所以飲果茶的人多數也會話「少甜」。

 

地址:
羅白沙街店 澳門羅白沙街19號(聖家學校旁)  電話:6528 2046
賈伯樂店 澳門賈伯樂提督街26A地下(肥牛火鍋旁) 電話:63829613

攝影: Kelvin