要好好生存係澳門，除要接受排山倒海的旅客外，還要學識與大自然和平共處，尤其最近的兩場豪雨！
蛇仔因自小在這與別不同的小島長大，對舊有的店鋪和傳統的美色有特別大的情意結。讀者們可能覺得 ── “整乜鬼條蛇總係介紹埋晒D平野架？…..”
老實講，只要出得起萬惡嘅金錢，乜乜靚餐廳，乜乜絕色佳餚 …… 等等等等 ……，唔駛我講都食得到啦？！ 現今科技發達，我哋本ZA誌已經進攻國際市場。好多我哋日常見到嘅街頭小食，對部份外地人來說，其實係地道特色！ 更何況，我蛇仔是站在小企業的一邊。支持小企業! 支持小企業! 支持小企業! ：)
嗱！…… 其實蛇仔反而覺得澳門就係因為有種種傳統美食，所以先稱得上 “澳門就是與別不同！”
好，講左大條道理，要話入正題喇~
外面落着傾盤大雨，又係留在家中享受緬壞傳統美食的好時機！ 外面又熱又濕，我覺得如果有D又甜又凍又有益，最緊要係食左又唔怕肥嘅甜品慢慢嘆就最不枉此生勒！
雪糕？西米露？楊枝金露？？非也，其實今次係好有誠意同大家推介 “李康記” 豆腐花！
蛇仔算係一條喜歡旅行的小蛇，中國部份地方亦留有我的鱗片，但試過好幾間中國城市的豆腐腦…….同我哋澳門 “李康記”，哈哈，哈哈，簡直用望遠鏡都搵唔到對手！！！
要真正食到入口即溶！食完一碗，都一定要叫第二碗，而且～ 會馬上想同心愛的人分享的豆腐花，非屬我們的 “李康記” 豆腐花莫屬！
“李康記” 位於澳門有名的新馬路近尾（十六浦方向），有條橫路轉入 “同善堂” ； “同善堂” 少少斜對面有條小巷， “李康記” 就位於小巷內。
如果你係旅客，其實一到新馬路，問問本地人 “同善堂” 在哪裡……搵到 “同善堂” 再問 “李康記” …… 得咗！ ：）
地址：新馬路新埗頭街19號D地下
電話 : (853) 2892 0598
