服務受阻,請稍候!

以下一串意識流,真人真事無改編,天天在我城上演。

列車車廂是個很大的資訊容器。最近大家都在關心甚麼話題?有哪些必追韓劇?哪位跟哪位傳緋聞?有哪些餐廳被熱捧?你進入車廂,便一目了然。對,你不想看也得迫你看。每人所能佔到的範圍不到一塊街磚,你臉碰我臉,大家每朝都有那種0.01公分的浪漫,絲毫不尷尬,因為大家都習以為常。bkn-20161024180341008-1024_00822_001_01p索性肆無忌憚打開耳洞,張開眼睛,你看我又看。喂!你部「三叔」個芒咁大,連字幕都高清,今期智賢和敏鎬又跳海又撞車,唔死得又拍多廿集。阿姐,請你話我知明天你上幾號車卡,等我跟住你一齊追埋落去。阿叔,你睇四仔唔用耳機,係咪想大家一齊流鼻血?何其壯觀!好喇,行落下一車卡,睇下今日新聞。一片愁雲慘霧悲憤莫名。點解個父母咁狠心,無良心、狗男女,個女仔好得意,真係苦命。真的,苦過韓劇。這些事,一揭不止,揭而再,必有三。日日都有家暴,香港幾時變咗「家暴之都」?天下無不是之父母?誰說的?我買唔到樓,我自暴自棄,我吸毒見到幻覺,砍殺咗個女,斬埋個頭……這是「悲慘世界」嗎?你別難為雨果,這明明是地藏菩薩見聞錄。香港,聽起來真心寒。居住在這裡,你買定厚羽絨外套,必定無死,皆因香港日日都寒。大熱天時,室內溫度大概維持10度以下,時裝設計師應該考慮推出「夏季羽絨服」,包你大賣;冬天就有天然寒,寒到病入公立醫院,無床位,瞓走廊,包你寒到入骨,仲洗乜去北海道?講講下,架列車好似好耐無行過咁。啊咿!訊號故障,全線停駛。哥仔,你還好嗎?做乜驚青成咁?大佬,我家住上水,中環返工,老闆實話明知壞車做乜唔提早上車?生存在這個城市,隨時隨地充滿「驚」喜,仲洗乜花幾舊水去哈囉喂!夠驚未?當然未。你喺中環落咗車,先發現原來中環已經納入咗西環管轄區。

我們活在圍城裡,外面的人想進來,裡面的人卻唔知出唔出到去。在圍城裡生活的人,天天被霸權以各種形式家暴,但我們都不覺痛了,習以為常,份糧包埋嘅,痛都要捱。於是,我們變得沉默,情感變得笨拙;得閒死唔得閒病,搵食嘛,大晒嘅。總之,一於唔好理咁多,唔出聲,大家相安無事。明天準時返工。250019_2

P.S.: (認真) 請不要傷害孩子!大家幫下眼,關懷鄰舍。如果你少理一事,可能我們無辜害了一個孩子的生命。願上天保佑所有受虐小孩,希望他們可以逃離厄運過美好人生。

 

圖片來源:網上截圖