有質素的外賣壽司店 ── 漁太郎日式外賣專門店

其實澳門有不少外賣壽司店,我都有試過幾間,自己後來在 Facebook 見到漁太郎的 Facebook page,所以便叫嚟試下,佢個menu都幾多選擇,除咗壽司、刺身、沙律和海鮮丼外,仲有生蠔供應,啱唒同屋企人或朋友開 party。

漁太郎的生蠔價錢合理,味道鮮甜,平時一般食生蠔我都唔會加醬汁,只會加少許檸檬,但漁太郎這個醬汁蠻特別的 (當然不是茄醬),廚師話呢個醬汁係佢用14種配料調製的,和生蠔一起吃好夾。

漁太郎刺身盛合有磯煮鮑魚、阿根廷紅蝦、三文魚、油甘魚、三文魚子等多種刺身,食材質素又幾高,鮮而美味。鮮蝦柚子沙律入口鮮甜,配上鮮蝦,非常開胃,清新好味。

IMG_20190406_160545

原來漁太郎任何一種醬汁也是自家調製的,而玉子也是他們的心機之作,每天量產有限定的,平時不愛吃玉子的我也是一吃便愛上了。所以重點推介一定係炙燒玉子壽司,玉子被燒到外脆內軟,表面仲有醬汁,真係超級好味,絕對稱得上係店內名物。半生熟的三文魚炙燒後會有一種油香味,加上呢款炙燒芝士三文魚壽司仲有芝士鋪面,食落更加香,適合唔太中意食魚生的人。三文魚刺身本身已經肥美,再用火槍輕輕燒過,將油香更加迫出黎,更加好食。漁太郎的火灸系列壽司係必點的,我覺得任何一款火炙壽司都好食!

天婦羅蝦脆脆卷、海膽醬芝士皇帝蟹肉卷、芒果軟殼蟹卷和特濃芝士牛肉卷都配上特製的醬汁,每個卷物一口放落口好滿足。特別推介特濃芝士牛肉卷: 這個卷物用安格斯牛肉和三種芝士混合而成,芝士控一定喜愛,因此有濃郁的芝士味。

在澳門要食到咁高質既壽司鋪唔係咁容易,漁太郎無論份量同味道都係唔錯! 係澳門都可以食到有水準既壽司,實在令人覺得好驚喜。


地址:澳門史山斜巷華光大廈地下B座
電話:2835 8524/6238 7238