有性無愛?有愛有性?

image性與愛的問題,Pheromone 就單刀直入,對於男人來說,有愛一定要有性,有性未必有愛。男人愛一個女人,愛到某一個程度一定會產生性慾,性慾基本上同食慾係一樣的,久不久身體就會通知你 “肚餓啦”!

一次有質量的性愛,就等於你食一餐美味又豐富的大餐,是會回味無窮的。而同一個自己深愛的人進行一次性愛,就等於佢煮一餐九大簋你嘆,除了可以滿足你的食慾,更會有心靈上的滿足,她為你服務的前戲,肉體的交流,指尖與皮膚的觸碰,口水與汗水的混合,姿勢轉換的默契,在你耳邊的喘無聲,滲有汗水的髮絲,完事後的擁抱,每一個moment都是享受。而購買式的性行為,則等於你俾錢出去食九大簋,你可以食完呢間,唔啱口味唔緊要,行過隔離再食。只要肯 “科水”,日日食都得。但長久落去,食慾滿足得了,心靈如同事後的精囊,空空如也。

然而,有一種關係就非常灰色 ── 砲友。呢種唔使 “科水”,又唔係男女朋友的關係,真係難以定義,我會用 “黐餐” 作比喻。一開始只為了填飽個肚,人體的pheromone產生作用,覺得某個異性好吸引,就好似有時聞到隔離屋煮飯好香咁。一個肯煮一個肯食,唔介意咪過去 “黐下餐”,啱口味的下次再食囉,冇相互的責任。呢種關係比購買式的性行為,來得更有溫度,因為基本上兩個人本身是朋友,有一定的好感作為基礎。亦有不少例子,從砲友變成男女朋友的關係,這就是由性衍生愛的模式。所以,有愛便有性,有性未必有愛。

而女性,礙於身體的構造,在沒有愛的前題下,那場性愛應該會是乏味的,極其量只是一餐老麥,只有味覺上的刺激,並不會感到飽足感。如果一個女仔願意做你的砲友,她對你一定有愛。你現在應該明白,點解每逢男朋友煮九大簋,女仔都會感動到facebook見啦。

Pheromone

Pheromone
理性面,感性底。不愛讀書,愛文字。忠言逆耳,廢話少講。
突破盲腸,點出真相

 


 

女人為愛而性?男人為性而愛?這些題目十個見到九個都否認,明明否認居多,之但係又點解成日比人攞出嚟講?到底係邊個提出嚟個講法?青老師真係不知從何探究,實不相瞞,這些辯論到天光都唔會有標準答案的題目,到最終咪又係個人經驗嘅睇法。

女人為愛而性?青老師作為一位女人只好誠實講出,係嫁。女人要鍾意一個人先想同對方做愛,因為性這件事是美好的,如果同一個你唔鍾意或者冇咩感覺嘅人做,成件事會變得好噁心。讀者身邊可能會認識一些女人會約砲,因此覺得女人也有為性而愛嘅時候,青老師反而覺得係希望在性愛裏獲得被愛嘅感覺,久而久之更覺空虛寂寞。所以約砲背後嘅原因也是為了愛。

但係男人唔同,青老師唔係要強調男人發展到愛都必須透過性 (不排除部分男人唔係),而係強調男人可以有性無愛。之但係點解女人唔得?這要從人類發展講一講,首先性係一種需要,最終目的是為繁衍下一代。因此要繁衍下一代必須要有精子和卵子結合,係數字上已經唔對等,啫咩?女人每月每次只排一個卵子,一生卵子嘅數量約400個。但男人每次射精都係億以上,一生精子數量青老師唔識計。因此在遠古時代,人類不斷要擴大自己族群,男人會想盡辦法跟盡量多嘅女性交配,所以天性上可以有性無愛;而女性由於卵子數量有限,懷孕也需要時間及損耗能量,所以會心思熟慮選擇性愛對象。

所以,如果你揾到一個你喜歡嘅人同時又喜歡你,然後性愛上你們是配合的,恭喜你,你很 “性” 福 (國語音)。

青老師

青老師
鍾意男人,更鍾意留意男人,鍾意望下男女之間既互動;會睇AV唔會扮低B,少少咸扑扑脆,咪以為女人寫兩性代表隨便任性,期待文章與你有共鳴。