晉利燒臘美食

各方各界既蛇友,好耐冇見喇! 上幾排蛇爸去左做鹹鴨蛋商人,蛇仔要擔起處理蛇家大大小小事務,以致未能通街覓食。 嗨~ 算喇,八十幾歲嘅蛇爸已食盡天下美食,算系不枉此生喇! 呢幾落着大雨,不論系高、矮、肥、瘦,醜樣到貼地或靚到系人行過身邊都藐你,相信呢幾日一出街,所有生物都難逃一濕。咁嘅情形,冇野好得過留系屋企煮個麵。但系……齋一碗麵真系有啲悶 ,如果加啲可以殺盡全銀河系,囉天文望遠鏡都揾吾到對手嘅配餸 ── 燒鴨,加落碗麵度,嘩~ 你話幾好呢?!! 澳門有好幾間燒味店都頗為出名。蛇仔既然竇在離島,當然吾會特登爬過澳門買燒味喇~ 好彩偉大既氹仔有間美味燒味店 “晉利” 。呢間小企業啲出品唔錯!價錢一般,份量一般,但味道會令你翻轉頭幫襯,幫襯,再幫襯囉!蛇仔喜歡佢啲燒鴨咬落有汁,油雞幾滑,叉燒系大部份女性都擁戴既瘦瘦叉!值得一提既系佢12蚊有交易嘅好味兼大大隻嘅滷水鵝翼同10 蚊有四隻嘅滷水鴨翼!落蕘雨,係屋企舒舒服服嘆兩杯~ 食隻翼~ 快樂就系咁簡單!外面落雨又駛乜怕!! 好食得濟講漏咗,晉利位於馬會對面街直出新濠鋒,中間SUB-WAY隔離!

 

晉利燒臘美食

地址: 氹仔廣東大馬路72號南新花園第1座

Tel: 2882 6854

分享
上一篇文章近視實驗拍攝~意料之外的夜景
下一篇文章酒肉和尚
我從小到大也生活在澳門,對這地方既喜歡又了解。 大部份人只留意刊登在有名的飲食雜誌的餐廳,其實澳門有很多美食,包括一些街頭小食,本人希望投過這媒體逐一同大家分享。 (^-^) /”