日夜咖啡室

 

蝦露各位,有無覺得呢排涼浸浸呢,哈哈,當然喇,秋天到喇~ 又干又爽,

的確係 BBQ 同爬山嘅好時機,亦係我哋澳門最舒服既季節。

嗨~ 秋天對蛇仔黎講…可算既愛且恨!!

愛,係…..秋風起,舒服死!

恨,係….秋風起,蛇仔肥!

蛇仔為左個肥字,呢幾個月裡面,劇烈運動後除盡量吾吞嘢落肚外,就係更加劇烈嘅運動!! :(

我其實比白蛇傳裡面嘅素貞姐姐還要偉大,佢的確對個書生哥哥好好,

但我蛇仔對你哋仲好,我冒着變肥蛇嘅極強風險,拼死都要向大家做美食報告!

拿,今次推介嘅美食與信觀音嘅人無緣,因為係牛肉也!!

今次推介係澳門博彩業始祖地點,葡京酒店, 嘻嘻 :) 其實係新葡京才對!

拿~ 入到新葡京,升降機按 U2有間餐廳叫  “日夜咖啡室” 。位置坐得算舒服,吾會逼逼硤硤!

服務態度幾OK, 又有代客泊車。

打開餐牌,有個燒鐵板西冷牛扒配芝士及野菜 (Grilled Sirloin Steak with Arugula and Parmesan on Hot Sizzling Plate)。

 

 

嘩!! 點算呀~ 肉質香濃鬆軟嫩嫩,啖啖有汁,簡直好食到唔停得口…入晒化境!!!

肥蛇差點把持不定要加單!!

如果你中意食芝士重大件事,佢簡直將你……整個靈魂緊緊綁著,綁到實一實, 但又唔知點解被佢綁得好有滿足感。總知就好想放盡喉嚨大叫,好好味呀!!!!!!

拿,雖然同類之中極多該死的傢伙,但今個秋天改一改,吾再係秋風起,蛇羹美。

改為秋風起,嘆牛脾!See You~

地址::澳門南灣葡京路2-4號新葡京酒店2樓止層
電話:+853 8803 7766

 

分享
上一篇文章有覺好瞓
下一篇文章手作針孔相機
我從小到大也生活在澳門,對這地方既喜歡又了解。 大部份人只留意刊登在有名的飲食雜誌的餐廳,其實澳門有很多美食,包括一些街頭小食,本人希望投過這媒體逐一同大家分享。 (^-^) /”