意大利餐廳 ─ Maquette

地址:  氹仔盧廉若馬路 華達閣地下D座, 853 Macao, China

7E Estrada Lou Lim Ieok, Edif. Wa Tat Kok G/F Room D Taipa

電話:  2881 3246

 

 

各位蛇友你地好!!

 

蛇仔在過去的一個月,心情有點反覆,異常沉重,每次照鏡有點想哭 :( ……

常常自言自語 ……喂喂喂!別想得太多……千奇吾好誤會,蛇仔沒有絕症,更沒有精神病,生活一切正常。食得、玩得、訓得、笑得!

 

點解咁樣????嗨~ 米就係D衫窄左,間屋細左,被蛇王FUN發現都 “瀾” 得慢左,返到蛇竇發覺連個 “隆” 都好似細埋! 吾得! 吾可以繼續這樣子,蛇仔發毒誓─ ─ 脂肪聽著,我同你誓不兩立!!!

 

就算同脂肪幾誓不兩立都好,蛇仔仍然堅持同大家分享美食資訊!

哈哈,既然肥左,蛇仔今次破例,吾推介百年地道美食,費事蛇友們因為味道正,價錢平,吾覺吾覺,越食越多,越食越滋味,搞到日日跑步都吾掂! :)

 

為大家體積著想,蛇仔決定一反常態,介紹大家食氣氛。

 

今次講既本地小企業位於近我蛇竇的七潭公路,菩提園與檀香山咖啡中間的一家以白色為主,空間細小,裝修清簡而又不失品味的意大利餐廳 ── Maquette。

 

幾個月前,蛇仔回蛇竇途中睇著佢裝修,睇著佢放擺設,睇著佢培訓員工……

當時有種感覺,好似見到手工細緻的CUP CAKE一樣,好靚,好舒服,好想入去試下!

 

直到有晚,蛇仔和鄰居因相請不如偶遇地齊齊去試! 當晚我門二人推門一進… …除員工外,整間餐廳只得一名約十四五歲的細路在內吃意粉。哈哈 :) 當時我心諗 ── “夷~ 都吾知係米造枚!”。誰不知坐坐下,細路食飽鬆人,無耐入左一家三口,重叫埋紅酒! 再坐一會,入左四名年青美女,阿! 佢地叫套餐,最後,入多三名有男女,哈哈,滿座!因餐廳只得四張檯。

 

蛇仔同鄰居各叫左自己喜愛的意粉。份量對減肥蛇來說覺得有點多! 蛇仔因為愛辣,所以叫左辣肉腸意粉……吾~ 味道還可以,如果加多點香草味重正!

我像村姑出城般東張西望,間餐廳的主色是白色,員工製服是黑色襯衣,黑色長褲再加黑色長圍裙,感覺踏實整齊吾老土!

檯凳吾駛講都係白色,但蛇仔最中意是放於右面角落的白色廚櫃再配個白色結他係旁邊!拿,蛇仔幫襯過一次咁多,點解?因為打後的兩次都無位,鬼咩?!裝修靚靚,價錢一般,但得四張檯!

 

分享
上一篇文章OCTOBER TIDE
下一篇文章玩具相機夜拍
我從小到大也生活在澳門,對這地方既喜歡又了解。 大部份人只留意刊登在有名的飲食雜誌的餐廳,其實澳門有很多美食,包括一些街頭小食,本人希望投過這媒體逐一同大家分享。 (^-^) /”