山頂 ‧ 冰 ‧ 塞

近兩天的大熱話題一定是天氣,甚麼零度、下雪、落冰等等。連美國佬都話香港有機會落雪,可信性立即升高幾倍,在香港有不少人夜晚冒冷上山,博一睹落冰落雪美景,有一家大細的,當課外活動,帶住幾歳小孩一齊上山,總之為一看奇景,凍死 “擺就” 。咁既環境,車龍當然塞到山腳,消防車就唔該唔好入嚟,救人? 用腳行啦!當中更有置身死於度外,正所謂命係自己,唔駛你管,“勇” 字行頭,理得你警察定消防,最緊要係我有我理想,你有你救人,唔好阻我尋覓理想之餘,但萬一有咩事發生,你班警察消防記得係有義務救人架,最緊要記得要救埋呢D “勇者”,呢個當然係超級哲理,正所謂哲學,你識條鐵咩,係勇者面前,就算尼采都要行埋一邊啦。

 

對於一眾港人睇冰嘅毅力,我只可說聲佩服,自愧咁凍天氣之下,我就只會安坐家中睇下電視新聞,睇下D志願團體點樣帶衫帶被俾D獨居長者及流浪漢,又或者D鋪頭點樣收留流浪貓狗入室避寒。至於睇冰,如我真係想睇的話,我會打開雪櫃冰格囉,睇又得,摸又得,放落杯可樂入面又得,得咗!

冰

分享
上一篇文章大器晚成 ─ 徐榮
下一篇文章AP36版‧話 ── 西方版畫四人展
記憶多好,步伐再快,也趕不上這小城與及人情的變化。我想,以照片去留住回憶,用文字去分享人情。如專題一樣,希望人人都戀上寫作,將屬於您和我的小城故事及人情文化,得以保留,分享及延續......