編按:近年澳門出現咗好多賣家居用品嘅舖頭,最近係美副將一條鮮為人知嘅小巷入面,開咗一間賣木器為主嘅家品傢俱店,究竟呢間舖頭有咩咁特別?點樣吸引到人捐窿捐罅搵呢間舖頭?今期就專訪兩位老闆,Dave同Nicky。

記:你哋間舖叫做宅木(ZAWOOD),其實係咪有咩特別意思?

N:我哋首先係諗中文名,“宅”係室內嘅意思,“木”係因為我哋間舖主要係賣木制品,木製品係呢間舖嘅靈魂,所以叫“宅木”,而ZAWOOD就係中文名的諧音。

 

記:其實你哋之前唔係從事家品傢具嘅生意,點解會開呢類型嘅舖頭?

D:由我太爺直到我父親開始一直都係做木匠,由細到大係“木堆”中成長,所以我對木都有一種親切感,有一種情意結,父親退休後我就決定延續做同木有關嘅工作。

 

記:咁其實現家澳門都有好多家品傢俱嘅舖頭,宅木(ZAWOOD)點樣可以係芸芸舖頭中脫穎而出,受到大家嘅注意?

D:相比於其他傢俱材料,木係一種有機嘅物質,唔似其他物質咁係一些死物,運用化學方法將佢整埋一齊,而木本身代表一種生命力,亦都係原始的一種傢俱材料,從古至今大部分的傢俱都係由木製造,所以木同人之間有一種自然的親和感。而且木俾人一種溫暖同自然的感覺,好適合用係傢俬到。

7

N:而我哋嘅傢俱主要係走簡約,懷舊(Vintage)同原始(Raw)的風格,但又實用為主,適合蝸居需要充足嘅收納空間,係澳門的家品傢俱店比較少見到,較為適合年輕又或追求結合環保同時尚相嘅消費群,俾到大家不一樣嘅選擇。

 

記:咁你哋舖頭唔係商業區,地方比較隱蔽,係一條橫巷入面,咁點解你哋會揀係呢度開舖?

D:其實我哋唔係商業旅遊區,而係橫街窄巷開舖,係因為我哋想選擇一個屬於澳門地地道道嘅地方創業,係真正嘅“澳門街”,而唔係只係得連鎖店嘅大街馬路,可以俾人一種休閒舒適又親切嘅購物感覺。

 

N:而且呢區其實都屬於澳門嘅文化創意區,隔離有牛房藝術創意區同LMA澳門樂隊嘅集中地,好多文化創作人士都係呢區活動,切合我哋本身希望開呢間家品傢俱店唔單止係一門生意,仲可以對澳門嘅文化創意產業有少少推動。

1

記:咁你哋對宅木(ZAWOOD)有什麼期望同目標?

D:我哋希望創造澳門自家家居用品同傢俬嘅品牌,當人哋睇到ZAWOOD 就會聯想起澳門,諗起澳門除咗賭場出名之外仲有創意實用的傢俱用品。雖然而家賣嘅貨大部分係“現成”訂番嚟為主,但我哋諗住由小做起,除咗自家製明信片,已開始自創收納盒,甚至已完成了幾樣大件的傢俱;希望往後日子可以創作更多自家製長櫈、餐枱,甚至係床同衣櫃,等每個人都可以感受到木製傢俱用品自然樸實嘅氣息。

postcard

 

Zawood (宅木)

電話: +853 2851 9394
電郵: ask@zawood.com
網站:www.zawood.com
營業時間:11:00am~7:30pm (逢星期二休息)

澳門美上校圍16號,美副新邨第2座地下AN
Av. do Coronel Mesquita No.16 R/C Mei Fu Sun Chuen, Macau

攝影: 

分享
下一篇文章手作人生(上)
土生土長澳門人,遵循儒家傳統智慧希望努力讀書脫貧,讀足三十年,雖未脫貧但未至於 “月光族”。從小就希望澳門係大中華甚至世界嘅大舞台爭氣點,唔係次次睇新聞見到大三巴牌坊logo便估到報導澳門嘅負面消息,去旅行唔鍾意講話來自香港,"I'm from Macau",最多補句 "next to Hong Kong”。