女強人在感情上就注定吃虧?

1423805697

Pheromone 十幾年前睇過一位台灣女作家劉黎兒發表的文章「堅強的女人最吃虧了」,描述日本30幾歲的職業婦女,有能力、有魅力,即使沒有私人生活,卻不覺得犧牲了自己。過了幾年,這些事業女性發現自己要維持這種巔峰狀態實在不容易,而感情更走到無甚選擇的階段。時至今日,普遍人都覺得強勢的女人感情路不好走,再看看身邊的真實例子,又唔到你唔信邪,到底為甚麼呢?

 

女強人的刻板印象

一提到女強人,大家都自動波同「事業有成」掛勾,甚至有車有樓,高質生活,識飲識食,自理能力極高,時間表滿檔。的確,Pheromone 認識一位三十多歲的女律師,她的消遣活動是騎馬,亦因工作太忙,她去旅行基本上是即興,有一次,她知道一位居住在外國的朋友去了台灣玩幾日,又發現自己剛好有兩日行得開,於是即訂機票飛去台灣搵朋友食飯。試想想,如果你對呢位女生有意思,都唔好話要係佢百忙的時間表中留到時間俾你,佢既活動你跟到幾多都成問題,結果大部分的男人都敬而遠之。

 

男人自尊心作祟?

呢個時候,相信女強人們又會話: 「車,係你地班男人死要面,一定要叻過女人,所以唔敢追我地。」呢樣野 Pheromone 可以解釋給大家知,首先係人都要面,不分男女,自己個女人叻,其實男人會覺得好有「飛士」。只是「女強人們」有時叻到可以「搶別人的考卷來寫」,即係做到過咗龍,比我們男士表現下的機會都無。而且,有一樣好實質的問題,就係時間,兩個人要培養感情,時間係必要條件,就好似上面所講,當你7成時間投放係工作或自己的興趣,又有幾多時間留給追你的男孩,有一句話叫「取易不取難」,假設 Pheromone 同時認識兩個女仔,係個性同背景都相約的前提下,一個約極都約唔到,另一個就好易約,咁你話,我同邊個擦出火花的機會高點?

 

 個性強才是致命傷

一個被視為「強」的人,總會被付予較高的期待。「女強人們」要知道,每個人都有自己可以承擔的責任、義務;每個人都有「被他人需要」的心理。劉黎兒那句「堅強的女人最吃虧了」,是因為你們太有自信,無意中沒有留給別人表現的空間,因此,即使你需要幫忙,也無人有意願或有能力施以援手。所以Pheromone 覺得,為身邊的人創造「你需要他」或「有求於他」的情況是一件好事,是肯定對方的最佳辦法。

其實,Pheromone 認為能力強不會造成感情的問題。但個性、作風強勢,就是生人勿近的源頭,沒人喜歡被強勢對待,「女強人們」要分清楚,能力高不等於要高姿態。

 

Pheromone 語錄:「能力可以強,但是與情人相處之間的作風不可以強。」

Pheromone

Pheromone
理性面,感性底。不愛讀書,愛文字。忠言逆耳,廢話少講。
突破盲腸,點出真相。

 


 

個個女人都想做女强人咩?

「女强人」(英文:Iron Lady,又名鐵娘子)𠵱個詞第一次出現,喺係一套70年代嘅香港電視劇《家變》當中。劇中女主角洛琳(汪明荃飾)嘅家族喺從事建築生意,因為鹹水樓嘅問題,洛琳嘅老豆牽涉貪污案,之後仲失埋踪。洛琳接手爛攤子,最後成為商業界舉足輕重嘅女强人。「女强人」一詞亦開始應運而生,個個女孩立志成為《家變》中嘅洛琳,齊齊拒絕柔弱,誓要堅毅不屈、不向現實低頭、思想獨立、情感獨立、剛强能幹。

四十年過去,𠵱家有邊個女人想做女強人?有邊個想成為別人茶餘飯後口口相傳嘅精明過頭、戀情不佳嘅女強人?就喺怕真喺做咗女强人,好似被貼咗咒符一樣,注定冇人心疼冇人愛。諗多咗?難道妳唔係咁諗?大銀幕上出現過嘅有「克萊默夫婦」嘅喬安娜、「穿Prada的惡魔」嘅米蘭達、「她可能不愛你」嘅程又青、「北京女子圖鍳」嘅陳可依;一舉手一投足散發出成功嘅信息、3吋半高跟鞋襯托著毃釘子般嘅氣勢,誰知道夜闌人靜嘅時候,都喺想有個人訓喺隔離扯下鼻鼾幫手暖下對腳。

只喺當一個女人試過無數嘅辜負同心酸後,妳慢慢接受自己無嗰份公主命,唔會有殘癈餐食,為免餓死街頭咁難睇,只好攞起面前嘅刀叉拼命鋸,堅強喺最後嘅選擇。始終喺愛情面前,女人又點會堅強得起呢。最多偽裝「遇弱則强」,當得到應有嘅保護同關愛後,會卸下鐵娘子嘅面具,對男人可以有幾温柔得幾温柔。

 

男人總覺得女强人好難駕馭?

𠵱個困局就喺邊個要「做主」嘅問題?男人嘅本性就喺愛面子,喺一種熱衷掌控、喜好主導嘅動物,簡單啲講就喺要拍板做主。面對性格太過剛强、不識示弱嘅女子,一旦嘈起上嚟,刀劍橫飛,倚天劍VS屠龍刀,雙方誓要一較高低。最終男人拿拿林拔腿就跑,只因「英雄」無用武之地。

其實,女人剛强性格嘅背後隱藏咗心理脆弱嘅需求。而感情嘅脆弱需求大多源於職場競爭嘅壓力,女人同男人一樣係職場上面對著好大嘅壓力。對善於感性嘅女人嚟講,對於情感所受嘅壓抑,會造成心理上好大嘅煩躁同疲倦。所以對家裡嘅安全感同舒適感要求會好高,而對自己伴侶給予自己嘅情感傾注要求得更為細緻,希望伴侶閒時得嚟做個小男人。希望身邊個伴侶照顧下情感需求,同時想佢地分擔下女性嘅職責。

 

講感情,不講道理

好多時,唔好試著同剛强嘅女子講道理。其實,道理邊個都懂。女人在乎嘅喺伴侶感唔感受到佢地嘅心情。好多嘅不滿同爭執,就喺因為女人覺得伴侶感受唔到佢地嘅心情,而令到佢地好唔開心。女人唔開心,情緒會不斷壓抑,惡性循環。久而久之,就會成為男人口中嘅不可理喻,無理取鬧。所有女人都想被感動而唔喺被說服,所有女人在乎嘅唔喺對錯喺態度。不斷試圖駁倒對方,結果就喺讓火焰燃燒得更猛。相對於道理而言,女人只想聽到:「我懂」、「我知道」、「我明白」、「有我在」。跟住嚟一個熊抱,緊緊抱住,感受對方嘅温暖同心跳,感受對方真實嘅存在。愛情婚姻本身就喺一件不講理嘅事,硬要同伴侶講理性分勝負,「妳」先喺沒道理。

 

C小姐語錄:「感情就是雞同鴨講的關係!」

Pheromone

C小姐
從不看人臉色,也不敷衍塞責
生活傷痕累累,還會精心打扮
不張狂,不誇飾
不依附,不將就

                       我是中女,也是小姐