堅持‧態度

由細到大,有好多長輩都會同我講,做事要有恆心,無一件事只係做一次就會即刻成功!但往往年青的時候係唔會明白的,總之快快搞掂咪去玩囉!到現在人成熟咗,接觸到的世界又大咗,就開始明白到持之以恆才會成功的道理。而第一個我認同的案例係好耐之前幫VISA拍宣傳片的那個奇怪跳舞男 – Matt Harding,唔知大家仲有無印象?只要傻傻地相信自己,堅持地跳,將一件事重複地做就可以成為一種態度,最終會得到別人的認同。

 

而我學陶藝的時候,最初都會好心急,好想做到件見得人的作品;但當你經過好多次唔同程度的失敗,就會發現只有耐心同堅持才可接近成功。直至我上書法班,蔡老師第一堂同我們講關於 “技法” 的意義,我才真正懂得!他說:「每一種技術都會有佢一套的法則,所以才會稱為 “技法” 。而 “法” 係要經過好長的時間不斷練習才可以掌控到。絕無所謂的偷步,更未談到創意!」他也說道:「什麼是 “知識” 呢?你認為 “知” 就會等如 “識” 嗎?真正的 “知識” 係要完全懂得才算是,否則就只是純粹知道罷了!」單單以上的一席話影響得我好深好深,可能這就是上一代人成功的態度,也是想我們年青一代爭氣的原因。

 

我認同當一件事做咗十次只係對事件了解的一個開始,再堅持做下去才是步入成功的第一步!幸好我已經堅持到第十期,加油!

分享
上一篇文章供求的謎思
下一篇文章經屋奇則
從事平面設計已有十年,無咩特別作為。於三年前受到一位朋友的影響;她是一位全職手作人,對我言而,全職追夢的人實在太酷了!由這一刻,吾做鹹魚,我要試一試,便投入學習陶泥藝術,成立個人手作品牌-陶氣。Tao-Chi Pottery