情人節過兩日就到,有情人的可能已訂好了餐諗好了節目,但單身唔通唔出街?撞啱今年情人節係週日,唔駛係公司睇到同事收花鬼咁曬,但唔通唔出街只係做宅男/宅女,小編為各位單身貴族推介以下可在情人節一試的節目:

 

1. 大無畏Bungy jump

現家過咗25歲做單身貴族新年過節總被屋企人又或姨媽姑姐問幾時拍拖或結婚,收利是可能又被同事 “關懷” 一下,攪到單身好似要好大勇氣咁,那就不如挑戰自己,來個放膽一跳,在空中那十數秒盡情放空享受。

 

2. 掃走霉氣大掃除

雖然話年廿八可能已經大掃除過,但其實一日邊夠做分分鐘一年冇做過的大掃除,那就不如趁14號週日如放假幫屋企大變身,執得整齊靚靚人也醒神D,而且執完一日屋也夠晒攰,夜晚一定可以瞓個好覺,唔駛多野諗。

 

3. 容光煥發做facial

古語有云 “女為悅己者容”,但今時今日點止女士要做facial,坊間也有不少針對男士的facial,一於就在情人節做個facial,皮膚省鏡D人也醒神D,容光煥發就是魅力。

 

4. 單人套餐至啱key

情人節作為商家們最興奮的做生意日子之一,形形式式的情人節套餐早已推出市面,不過部分商家也顧及單身一族,推出單人套餐,話明單人套餐去得幫襯梗係單身 (除非玩挑機),成間餐廳都是單身男女話唔定能刷出火花不再單身。

 

5. 充電愉快小旅行

返返下工好多時也想去旅行,不過有時又要夾同事朋友一齊去,有時又要就假期,唔係話去就去。不如就趁情人節和前一天的週六日來個小旅行,享受單人小旅行的自在和安逸。

 

6. 轉轉運氣求姻緣 (打小人或睇風水)

有時都唔知係小人作怪又或真係timing唔啱,總係未遇上合適的人選,雖然唔想怪話有人作梗或怪自己條命唔夠好,不過風水命理的事情有時又唔到你唔信,咪話迷信一試又可妨。

 

7. 單人野餐夠浪漫

近日天氣回暖,實在是野餐的好時機,雖然話澳門已經係石屎森林,不過還有一些野餐好去處,如路環山頂公園、氹仔海洋花園旁的小綠地或海濱公園、澳門大學,在明媚的陽光下享受食物吹吹風,記得帶多一份野食,或者隨時遇到啱key的咪齊齊野餐,或者仲有下文。

 

 

分享
上一篇文章《偵探 · 舖‬》~委託參~ 流連街頭的女孩 (中)
下一篇文章臉部SPA
為澳門本土一本免費網上雜誌,志在集結一班澳門創作人士從他們眼中介紹澳門鮮為人知的一面及發表屬於澳門人創作的文章或感想,給澳門朋友多一個網上瀏覽好去處,並讓香港、中國大陸以至所有華文地區人士了解澳門,發掘澳門另一種風味!