向泡菜國首都出發!

哎喲!人生真係有好多的第一次!第一次連續兩期完全唔寫陶瓷,第一次試寫遊記,以及第一次準備一個人出走去從未去過的泡菜國再發掘更多更多的第一次!훌륭한 (Wonderful)~ 這就是Rock’n Roll的style吧!! 點解會有咁嘅衝動呢?好簡單,就是我太任性!所謂旅行的第一最大意義當然是自由啦!加上我真心希望在結婚前享受一次屬於自己的單身生活,給男人知道,我可是能夠非常獨立的!不竟一直都依賴了他將近十年……

 

一個人旅行在出發前要準備的當然多啦,尤其是我的第一次!訂機票方面,我是完全沒有考慮就訂咗濟州航空 (Jeju air) ,連稅大約港幣2,660,香港飛,去程下午1:35,但回程就很早,首爾時間早上9:55,可以看得出我是非常衝動!之後住宿方面我就經agoda訂咗在新村站附近的icos guesthouse,韓屋女生宿舍四人房的一個床位。由於在agoda有績分可以換錢,扣除後7晚床位的價錢就係港幣80。實在令人興奮!不過當朋友問我有否考慮到一個人食飯選擇少的問題時,我係空咗架…… 唔理得咁多,見步行步啦!

 

搞掂咗住宿就要計劃行程,我當然即時跑去書局買本旅遊書旁身,再上網爬文。點知爬爬下,真係有勁多關於泡菜國的文章;買野、食野、睇野,而最幫到手的一定係Visit SeoulKonest呢兩個網站;睇完至少幫到你生存!但最重要的其實都唔係搵資料,而係要解決現今世代不能沒有的 ─ 手機上網!搞唔掂呢樣野,去到泡菜國就一定死嗚嗚~有好多網友會提議去機場租Wi-Fi蛋,可以幾個朋友一齊用,但我卻在雜誌上看到廣告介紹香港7仔售賣的一張 “南韓7日上網卡” 的SIM咭,港幣299,平均43蚊一日,1GB的3G上網用量另加無限首爾Wi-Fi,選用南韓KT網絡,上網登記後就用得;而唯一的缺點是只提供數據服務,並沒有話音服務,所以若要保持通話就要另外帶多個電話啦!而為求穩陣的我,唔想飛到去仁川機場先發現Wi-Fi蛋俾人租晒,又或者中途用用下壞咗、掉咗,同埋無電,我應該會選擇用呢張SIM咭,試用ok之後再係下篇同大家分享。

 

 

我諗再check埋天氣,執衫、執平安藥,都差唔多可以出發。唯獨是我在背包客棧看到一條關於女生出門的文章,令我考慮到,我是否應該買一個防狼警報器呢?因為如文章所說,世界上真的沒有一個絕對安全的地方。所以我都答應咗我的男人會買一個掛在手袋以及晚上十點半前回到旅舍。另外我亦提議當有需要一個人出遊時,請一直開啟著電話的GPS跟遠方的家人分享你的位置,讓他們更安心。

 

 

好啦!寫咗成千字之後,我將會係9月28日出發,10月5日回來的。所以下一篇我會寫更多關於我在泡菜國的第一次,當然唔會只係飲飲食食、追韓星、瘋狂shopping咁大眾化的內容啦!而係寫我相信暫時只有我一個在網絡上才會寫的行程,就是去參觀 “第七屆京畿世界陶瓷雙年展” !勁呢?因為當我想找有關這個展覽的交通資訊時,網上是完全找不到相關的遊記。而其實泡菜國是有很深厚的陶藝文化,所以我想今次應該會令我大開眼界的!請為我送上祝福吧!哈哈!

分享
上一篇文章綠湖下的公園
下一篇文章人格分裂歌姬
從事平面設計已有十年,無咩特別作為。於三年前受到一位朋友的影響;她是一位全職手作人,對我言而,全職追夢的人實在太酷了!由這一刻,吾做鹹魚,我要試一試,便投入學習陶泥藝術,成立個人手作品牌-陶氣。Tao-Chi Pottery