典雅檀香山

 

嗨~ 好失落的一週,蛇仔聽都個晃如晴天霹靂既消息,就系蛇仔心愛嘅本地小企業又少一間。蛇仔除咗嘆氣外,真系唔知點表達我現在極度失落嘅心情。。嗨!!!蛇仔最鍾情既餐廳PORTO DE MACAU 終於被逼關門大吉。冇法喇,租約到期,業主一加。。就毫無良心兼剝削地加百份之五百嘅祖金。澳門繼續系咁落去,吾洗三年。。我地除左逼住只幫襯大酒店外就系漢堡包店。。。。苦呀!!!

 

好,等我抹干淨啲眼淚先~

 

拿,情況就系話,我地要更加支持本地小企業!!!

 

蛇仔注响山洞,自然對商業化環境有點兒抗拒!蛇仔喜歡系寧靜嘅環境食野,今次同大家推介系氹仔葡提園行上少少嘅檀香山咖啡小館。果度食嘅野一般般,但就好舒服兼好有人情味。

 

蛇仔同啲同類都覺得小館內的姨姨就好似注响隔離洞咁親切。可能位置較為 “撩lung” , 所以光僱該小店絕大部份系熟客。果啲靚姨姨差不多可以記得晒客人嘅口味。

 

啲客入到去好少稱呼啲姨姨做靚女,因為入到去食野都好似朋友咁,大家都叫名!就系因為呢種親切感,雖然地方超 “的式” ,兼出品較一般,但生意好到不得了!

 

拿~ 蛇仔去到最中意嘅係咖哩牛腩跟麵包再加一杯哥倫比亞咖啡!呢兩樣系我既 “飛佛” 各位蛇友得閑可以去感受吓呢種澳門特有嘅小企業親切感。拿拿拿~ 蛇仔講緊既吾系其他檀香山,係氹仔葡提園行上啲果間,佢地有個好靚嘅名,叫做典雅檀香山!!唔好去錯呀!

 

 

典雅檀香山

地址: 盧廉若馬路7號

電話: 28811322

http://www.cafehonolulu.com/CafeHonoTrad/dian_ya_tan_xiang_shan.html