公仔,唔一定要似BARBIE先靚

其實我諗唔上我一個,應該好多人都覺得市面上嘅 Barbie、fashion dolls 之類嘅公仔太過唔真實的 “靚”。要幫佢化個十分完美嘅妝,要幫佢換靚衫,襯鞋襯手袋,仲要喳靚車。呢D標準其實對小朋友嘅成長好深遠。而好多家長買呢D公仔比自己女女 (或者仔仔) 玩嘅時候都冇留意呢D公仔背後帶出嘅信息 – 崇尚奢侈消費和物質生活,對美嘅標準太過苛刻。所以呢D公仔舊左,多數都變咗堆垃圾同埋好多時D fashion dolls 同佢地D衫褲鞋襪都唔係用環保膠做架。

 

但係澳洲就有位環保媽媽,將一D被遺棄嘅 fashion dolls 改頭換面,創造咗 TREE CHANGE DOLLS!出生於澳洲 Tasmania 嘅 Sonia Singh,自細已經玩開二手公仔,好環保同珍借資源。起初佢都只係收集一D被遺棄嘅 Bratz Dolls,拎番屋企幫佢地重新油過個樣,而佢媽咪就織一D好樸素嘅衫,純綷係嗜好。點知擺咗上網之後,好多家長都想要呢個咁人性化嘅公仔。雖然反應咁好,但Sonia 都強調自己唔係生產商,亦都鼓勵家長重用回收,自己DIY。

來源: http://treechangedolls.tumblr.com/FAQ