世界盃

四年一度的世界盃正進行得如火如荼,趁今次機會,決定乘勢 “講波”。但不要誤會,首先我不打算大談邊隊有冠軍相,又或者解釋球證支白色噴劑有何作用,更加不要問我世盃期間老婆女友的注意事項,以及C. Ronaldo個新髮型是否真的為那小孩而剃。我只係想講 “講波”,即是足球旁述。

 

人們很多時都稱他們為講波佬,其實我覺得有點不尊重,因為他們並非隨隨便便輕裝上陣,雖知一場賽事要認得到叫得出當中每位球員並不容易,還要分析場上形勢,提供賽事相關數據資料,難道你覺得他們事前不需做定功課,真係簡簡單單陪你吹足九十分鐘?到落筆之時為止,世界盃進行了約一半左右的賽事,而最令我驚嘆的並不是西班牙分組出局,又或者哥斯達黎加的神勇表現,反而是三色台的專業足球評述員。當中有2位人兄,真是爛gag不斷,起初以為純粹搞搞氣氛,但慢慢發現到,真係要幾爛有幾爛,我確實有點高處不勝寒。但我相信他們會有一定的捧場客,世界盃這盛事,除了吸引死忠球迷晚晚捱眼瞓,當中亦不乏一些平日極少睇波,但為了有話題而努力嘗試睇幾場所謂必看賽事,當然還有一些為睇靚仔的女球迷吧!他們的爛gag相信唔多唔少為這班球迷帶來一點樂趣,試幻想一下,如你不是一個忠實球迷,而正在上演着俄羅斯大戰比利時,當你發現旁述成場不停地叫喊着甚麼 “乜乜哥夫交俾物物洛夫,再傳返咩咩斯夫射門”,他們可能會懷疑旁述是否 “食帶”,成場波夫來夫去,倒不如要d爛gag來調和下,睇波可以當睇棟篤笑,仲想點?

 

的而且確,就如現在的社會一樣,很多時都係 “一味靠吹”,唔做得都要吹得,唔得就更加要吹到得,反正就不需負責,有人buy有人like就係最實際。還想說甚麼腳踏實地,按部就班,Oh my god, are you kidding me ?!

 

分享
上一篇文章舊城勿念
下一篇文章Adrenaline Mob –Omertà (2012)
記憶多好,步伐再快,也趕不上這小城與及人情的變化。我想,以照片去留住回憶,用文字去分享人情。如專題一樣,希望人人都戀上寫作,將屬於您和我的小城故事及人情文化,得以保留,分享及延續......