醒來吧

大家一定覺得好奇怪, 點解一開始就講 “醒來” 同運動有咩關係呢??!

 

其實如果講,要由2012年10月份起開始講,當時我突然有嚴重濕疹,令我十分困擾。一身紅疹,不單止痕到痴線,連瞓都瞓唔到!!><”

 

唔知大家知唔知,皮膚病好難知道真正原因,因為太多可能性。一般人都一定認為係食物引起,多數港澳醫生都會叫你戒口,但其實真正原因好多時同食物根本冇關係。

 

當時不停試好多護膚產品又睇西醫又中醫,直到有一次睇一位中醫。

 

佢係一位70多歲中醫師,高大又強壯,佢老實同我講:「其實呢d皮膚病有好原因,衣家d人成日打機、玩電話又唔多運動,影響身體免疫,你地飲幾多藥又咩用呀?? 如果唔改變生活習慣唔會好架! 唔好再玩遊戲機同電腦啦!得閒去公園望下樹同做運動啦!」

 

之後我覺得,不如試吓啦。

 

起初我真係自己去公園坐同行下,不過唔係成日去,始終都有d懶。同時濕疹又好又差,根本冇心情成日做運動!

 

直到我發覺做鄭多燕,簡單又有時間性 。咁我由2013年5月份就開始晚飯一個鐘後,做呢個運動:

 

[embed_youtube id=’zlrQ0KaH1lA’ width=’420′ height=’345′]

 

動作好簡單又唔會點辛苦。啱哂我d懶人…哈哈 =)

 

講返濕疹,其實都維持左成年,反反覆覆,最後2013年10月份到我過左HK睇中醫,睇左兩次醫生, 基本上好哂,加埋堅持晚晚運動好得特別快。終於醒哂!!!發覺運動比左無限好處,身體好左,重點係塊包包面都瘦左!!!YES!!!^O^

 

其實我想講我自己經歷比大家知,因為我知道,好多人都有濕疹問題,如果要徹底醫好必須有良好生活習慣同飲食先可以預防呢種病或其他病。

 

運動根本係一種樂趣,同大家分享如何將運動變成生活的一部份!!!!

 

如果任何人想了解更多有關濕疹經驗和問題,留你email同名呀, 大家一齊交流下~~~!!!

 

下一集,同大家分享修身道路,將公開修身後相片!hohohooooXD

 

切勿錯過呀!!^O^/

分享
上一篇文章沖晒袋的回憶~後篇
下一篇文章2014令人期待的電影 (下篇)
性格開朗、愛笑及幻想、發白日夢、看天空。特別喜愛日本文化及手工DIY。 喜歡舞蹈及lomography。超愛吃壽司、泡菜及朱古力。討厭沒有禮貌的人。